見見面 (已結業)

每次揸車經過都見到呢間川菜，今晚同朋友嚟咗試吓！本身都怕冇位泊車但好好彩搵到個錶位，開心曬！我哋叫咗個口水雞估唔到呢個價錢有咁大嘅份量，有晒雞胸雞髀雞背嘅部位，口水醬汁非常香，亦配上大量花生同埋蔥粒，非常之開胃！當然我哋仲叫咗個烤魚啦我哋揀咗麻辣味同埋海鱸魚鱸魚烤得夠火候，所以成條魚都係有香脆嘅表皮，完全唔會有腥味！怡湯底亦都超級麻辣配上芹菜、芫荽、花椒、辣椒感覺非常之正宗！我哋仲額外加咗寬粉同埋豆腐，淨係食口水雞同埋烤魚都已經好飽啦！我哋見其他客人每一個都係食酸菜魚同埋水煮魚，都係超大盤賣相好吸引！我哋已經約咗下次再去試佢嘅水煮魚同埋辣子蝦😋