黑鉄屋 (已結業)

晒完太陽想要個輕食。記得上次行灣仔揾野食既時候見過呢間，於是今日過黎。七點幾到，俾左張四人枱我地（雖然我地得兩個人）但因為我地食壽喜燒，所以就可以坐得鬆動d。見其他客都食拉面。但今日想食壽喜燒，所以拉面就等下次啦。湯底唔係平常甜甜地既，而係雞湯或者辣豚肉湯。分量唔算細有兩隻雞蛋、一個烏冬、兩隻大蝦、兩隻帶子、兩隻生蠔、一籃野菜、一碟肥牛，我再加左豆付！開爐既時候，伙記好細心幫手睇火，全程都不停幫我地加茶。唔知點食兩隻蛋，佢好細心話俾我地知食既次序。由於餐廳有燒烤，食緊大蝦果陣先問佢地如果我地隻蝦想烤唔知得唔得！伙記話係可以安排既。咁下次就要試下喇，因為隻蝦有膏又大隻，打邊爐好似浪費左d 囉。雞湯食壽喜燒令平時唔太食豉油既我係咁用蔥去加調味。唯一感覺差小小既地方。