影片
更多
2019-05-28
847 瀏覽
是咁的~女朋友仔一直都話想去愉景灣行去 咁今次終於抽到時間去喇 既然夜晚有野做梗係晏就食愉景灣嘅餐廳啦 入黎嘅交通都唔算好方便搞左一輪我地就決定喺愉景灣北呢邊落車 一入到黎其實都兩點咁濟咁咪食左野先行囉 一行入愉景灣北商場就見到呢間Cali-Mex 其實好耐以前已經有朋友介紹話我食呢間 而我多年都從一個墨西哥朋友口中得知墨西哥菜有幾特別 所以一直想試呢間 今次咁啱入到咁遠都有呢間 就一於帶埋女朋友仔去試下d特色外國菜啦~餐廳職員主要都係外國人為主 雖然唔知其他分店點 但呢間就好符合愉景灣呢到咁充滿異國風情~不過餐牌中英對照嘅所以都唔洗驚唔知果樣係咩黎咁我地就叫左一份Burrito Bowl一份Burrito一份Taco一份迷你burger呢幾款野食Burrito Bowl中文譯墨西哥碗 睇圖果陣唔覺 上到枱先發現原來係有飯嫁諗住係類似沙律嘅野tim咁呢到好多野食都可以自選要咩肉 呢個我叫左燒雞因為我覺得燒雞配沙律幾match(雖然佢唔係沙律)其實佢係一碗好乾身嘅燴飯 一d黑豆 沙律菜 烤雞 蕃茄粒 仲有一pat乳酪 唔好以為好怪其實墨西哥菜慣常會有一pat乳酪之類嘅野俾你撈黎食 聽落好
餐廳職員主要都係外國人為主 雖然唔知其他分店點 但呢間就好符合愉景灣呢到咁充滿異國風情~不過餐牌中英對照嘅所以都唔洗驚唔知果樣係咩黎
咁我地就叫左一份Burrito Bowl一份Burrito一份Taco一份迷你burger呢幾款野食
Burrito Bowl中文譯墨西哥碗 睇圖果陣唔覺 上到枱先發現原來係有飯嫁諗住係類似沙律嘅野tim咁呢到好多野食都可以自選要咩肉 呢個我叫左燒雞因為我覺得燒雞配沙律幾match(雖然佢唔係沙律)其實佢係一碗好乾身嘅燴飯 一d黑豆 沙律菜 烤雞 蕃茄粒 仲有一pat乳酪 唔好以為好怪其實墨西哥菜慣常會有一pat乳酪之類嘅野俾你撈黎食 聽落好似好伏 但撈勻後其實好match好好味 烤雞都好多舊 香得黎唔會太鞋口 整體味道好好 而且份量好足夠 非常大碗
Burritos其實啫係墨西哥捲餅 係其中一樣食墨西哥菜必食嘅野 一樣都係可以自選要咩料 今次叫左安格斯牛扒 不過因為今餐叫太多野食所以冇食到 拎走左留番俾女朋友仔第二日食lunch 佢feedback番話牛肉好好食 入面仲加左芝士令個味道好香 不過佢個人唔係太鐘意d豆 而墨西哥菜一般黎講都會好多豆 佢就話太多豆就搞到扣左d分 不過我諗如果鐘意食豆嘅人應該會俾好高分
迷你burger 細細個仲有三款肉揀 我就叫左豬 唔好睇佢紅卜卜以為好辣但其實只係好少辣同埋係有蕃茄嘅香味 所以個豬應該係搵過新鮮茄汁去煮過 豬肉絲唔會太粗所以唔好鞋口又有肉汁正呀不過呢樣一定要襯上枱即刻食 因為個餡嘅汁好多 好快會浸林左burger底層個塊包 影響左個口感同埋拎起嘅時候有d論盡咁
最後就係Taco 啫係墨西哥脆片 呢樣亦係墨西哥菜嘅代表 餐廳係可以選擇用咩係包住入面d料 我就揀左粟米脆片 （因為覺得正宗d嘛）咁今次揀左炸魚 個炸魚即叫即炸炸得啱啱好 肉質都好嫩唔係d cheap野 不過覺得佢個sauce可以落多少少 佢個sauce係類似千島醬嘅咪 同個炸魚都好夾 增加多一層嘅味道
餐廳呢到環境好好 愉景灣又相對清靜 咁正嘅環境就叫左杯Tequila爽下順帶一提 其本上所有菜式侍應都會叫你揀辣度咁由於我女朋友唔食得辣加上唔知墨西哥菜嘅辣係有幾勁 所以我地全部都走左辣 但個豬burger都會有微微嘅辣 但果個真係唔辣唔好食嘅整體而言 墨西哥菜唔可以話係好大眾化 但我同女朋友就覺得好好食 叫左咁多野價錢都係四百蚊多d 唔算話貴嘅但質素好好 真心推薦大家一試
（呢間餐廳張單記得要keep住 去番愉景灣D-deck果邊可以換番免費船飛出番中環嫁）
張貼
