影片
更多
2009-09-26
127 瀏覽
昨晚我哋三個女仔約咗去打邊爐，其中有個朋友話食過呢一間，覺得唔錯，所以決定再試，我哋一早己經訂咗位，大約七點去到，冇乜人，原本佢比個門口位我哋，不過我哋要求坐入面，佢都肯比（服務都算可以），到大約八點半就已經滿坐。以下就係昨晚食嘅嘢：招牌鍋（$68）湯底有好多料：雞腳、粉腸、酸菜、蕃茄、豬皮、枝竹（感覺好似唔 match，但係原來好好味，仲有就係佢哋加親都係湯而唔係水，所以食到最後連湯都飲晒。）牛頸脊（好似係 $185）因為我哋要特級個隻，好好食，我估比牛肉仲好食墨魚滑（唔記得幾多錢）好好食，好有墨魚味，咬落去唔會覺得只係得麵粉，真係好好食冬瓜豆腐雙拼蘿蔔粟米隻拼呢兩樣其實係要單叫，不過伙計好好人，肯比我哋咁叫，值得一讚，識變通炸魚皮唔夠脆，放咗落湯就大件事唯一唔好嘅係冇其他熱嘢食，亦冇送酒嘅小食（例如：雞腳、花生），如果有埋呢啲小食就真係好啦！啊！仲有一樣值得一讚嘅係洗手間，唔好睇佢門面舊舊地，好舊式，但係個洗手間都好乾淨，好坦白講，打邊爐一食幾個鐘，如果洗手間唔乾淨就好大件事，點忍呀，所以呢間嘅衛生唔錯。
以下就係昨晚食嘅嘢：
招牌鍋（$68）
湯底有好多料：雞腳、粉腸、酸菜、蕃茄、豬皮、枝竹（感覺好似唔 match，但係原來好好味，仲有就係佢哋加親都係湯而唔係水，所以食到最後連湯都飲晒。）
牛頸脊（好似係 $185）
因為我哋要特級個隻，好好食，我估比牛肉仲好食
墨魚滑（唔記得幾多錢）
好好食，好有墨魚味，咬落去唔會覺得只係得麵粉，真係好好食
冬瓜豆腐雙拼
蘿蔔粟米隻拼
呢兩樣其實係要單叫，不過伙計好好人，肯比我哋咁叫，值得一讚，識變通
炸魚皮
唔夠脆，放咗落湯就大件事
唯一唔好嘅係冇其他熱嘢食，亦冇送酒嘅小食（例如：雞腳、花生），如果有埋呢啲小食就真係好啦！
啊！仲有一樣值得一讚嘅係洗手間，唔好睇佢門面舊舊地，好舊式，但係個洗手間都好乾淨，好坦白講，打邊爐一食幾個鐘，如果洗手間唔乾淨就好大件事，點忍呀，所以呢間嘅衛生唔錯。
張貼