麻辣風雲 (已改名) 查看

荔枝蝦球外型超特別，最啱打卡！佢一端上嚟嘅時候有好多乾冰嘅煙霧，氣氛十足啊！蝦球嘅味道好鮮味，唔單止有蝦滑嘅彈牙咁，仲見到少少粗顆粒嘅蝦肉！見到佢真材實料入邊有蝦㗎！外層嘅紅色脆脆，好似粟米片咁脆，炸到好香脆，同裡面既蝦肉好夾！呢度既炸饅頭嘅船都真係靚嚇死人😂成隻船咁端上嚟，又係有啲乾冰嘅煙霧彌漫，船頭仲要有隻諸葛亮企喺度，真係氣派十足😂炸饅頭食落就真係冇乜太特別，就係普通嘅炸饅頭加煉奶嘅味道，不過呢一道菜絕對適合叫嚟打卡！呢度嘅酸菜魚係必點！魚肉嘅份量好多，同埋好鮮滑，亦都唔會係一夾就爛嘅魚肉。每片魚肉都好完整好厚肉！裏面嘅酸菜好好食，今次我哋叫咗中辣中麻，真係夠晒重口味！酸菜魚裏面亦都有紅薯寬粉，吸晒啲辣湯味道一流！