影片
更多
2013-01-01
1424 瀏覽
領匯之下特色鋪漸見少，見到呢間鋪以傳統見稱好想支持佢落去。午餐見到個回味鼓油雞，心諗可以試下，點知上黎既係幾件斬件油雞加白飯，我同侍應阿姐講話乾巴巴好難落口有冇汁，佢問我要咩汁，我見佢有個平２蚊既歺係咖哩汁就叫佢比咖哩水汁，阿姐點左頭想去攞，突然間個收銀阿叔急急脚走埋黎，粗聲粗氣同我講：“咖哩汁得，加錢。”我就應佢：“你咩汁都冇比我，要個汁都要錢，講到明鼓油雞又冇鼓油喎”“鼓油就得，咖哩汁貴d㗎”我諗算啦，佢講到明回味鼓油雞，鼓油應該好d,就叫佢攞鼓油…正想試下果飯既時候，阿姐突然間攞左支鼓油係我碟飯係咁倒鼓油，我眼到突曬，即刻叫佢擺低比我自己黎……終於可以試下個飯，點知出事啦，d雞係涷嘅，一陣隔夜味，加埋阿姐倒果d鼓油碟飯都涷，今日十度多d點食得落收銀阿叔正係我對面，我就同佢講：“雞又涷，鼓油又涷，成碟飯都涷喎”阿叔够膽死同我講：“我呢度係咁㗎，你唔中意食可以叫其他野㗎”仲叫其他野，我仲受唔够，一d都唔食埋單走人，點知阿叔一路收錢一路吵：“我呢度係咁㗎……顧客永遠是對的……”嘩，d野唔掂又講埋d九唔搭八d野，冇心情理佢，比完錢走人算其實領匯搞到好多傳統鋪頭唔見曬，大家鍾意佢地係因為有
我就應佢：“你咩汁都冇比我，要個汁都要錢，講到明鼓油雞又冇鼓油喎”
“鼓油就得，咖哩汁貴d㗎”
我諗算啦，佢講到明回味鼓油雞，鼓油應該好d,就叫佢攞鼓油…
正想試下果飯既時候，阿姐突然間攞左支鼓油係我碟飯係咁倒鼓油，我眼到突曬，即刻叫佢擺低比我自己黎……
終於可以試下個飯，點知出事啦，d雞係涷嘅，一陣隔夜味，加埋阿姐倒果d鼓油碟飯都涷，今日十度多d點食得落
收銀阿叔正係我對面，我就同佢講：“雞又涷，鼓油又涷，成碟飯都涷喎”
阿叔够膽死同我講：“我呢度係咁㗎，你唔中意食可以叫其他野㗎”
仲叫其他野，我仲受唔够，一d都唔食埋單走人，點知阿叔一路收錢一路吵：“我呢度係咁㗎……顧客永遠是對的……”
嘩，d野唔掂又講埋d九唔搭八d野，冇心情理佢，比完錢走人算
其實領匯搞到好多傳統鋪頭唔見曬，大家鍾意佢地係因為有人情味同埋有特色，見到有間似係既就支持下，點知“唔掂雞”當“回味雞”，仲擺出唔負責任既態度。唔怪得係領匯之下仍然生存，原來都係冇良心，可悲……
張貼