影片
更多
2018-09-25
55 瀏覽
最近成日都約人去尖沙咀食飯，因為放左學過去太就腳。不過其實我大部份時間食黎食去都係個幾間，冇咩新意，實在太懶揾新野食。今次係條街度行行下望下周圍有咩好食嘅時候，偶然經過呢間餐聽，朋友話佢之前有黎食過lunch都幾好食，既然係咁就一於入去試試佢！佢舖頭外觀好靚，似人地打卡嘅感覺！我地18:30左右到大約坐左一半人左右，到7點左右已經坐滿晒店員好好人，服務好周到，落完單之後仲會主動黎幫我地斟豉油仲會適時黎斟茶，唔會比個杯有得返1/3嘅茶嘅機會首先係什錦刺身拼盤，店員好有耐心咁解釋比我地聽每一樣野係咩黎。有時D刺身真係食完都唔知係咩黎，就算覺得好食都唔知點樣再叫返，但呢度就唔會有呢個問題！每一件刺身都好厚切同新鮮，肥瘦度岩岩好，魚油分佈都好平均，食完唔會有膩口嘅感覺。咁多樣之中我覺得八爪魚最有驚喜同最好食平時食嘅八爪魚大多都係成塊都好爽口，但呢度係有層次嘅，上面近吸盤位置嘅爽脆，下面就帶點微微嘅煙韌，加埋一齊別有一番滋味！壽司緊隨其後就上枱，野食都黎得算快。帆立貝壽司、八爪魚壽司、墨魚壽司同三文魚腩壽司各一件。壽司份量幾大，而刺身就更大，真係好抵食！帆立貝好滑溜，八爪魚同墨魚加上醬汁好香，三
首先係什錦刺身拼盤，店員好有耐心咁解釋比我地聽每一樣野係咩黎。有時D刺身真係食完都唔知係咩黎，就算覺得好食都唔知點樣再叫返，但呢度就唔會有呢個問題！
每一件刺身都好厚切同新鮮，肥瘦度岩岩好，魚油分佈都好平均，食完唔會有膩口嘅感覺。咁多樣之中我覺得八爪魚最有驚喜同最好食平時食嘅八爪魚大多都係成塊都好爽口，但呢度係有層次嘅，上面近吸盤位置嘅爽脆，下面就帶點微微嘅煙韌，加埋一齊別有一番滋味！
壽司緊隨其後就上枱，野食都黎得算快。帆立貝壽司、八爪魚壽司、墨魚壽司同三文魚腩壽司各一件。壽司份量幾大，而刺身就更大，真係好抵食！帆立貝好滑溜，八爪魚同墨魚加上醬汁好香，三文魚腩就好肥美性價比真係超高
跟住就係重頭戲嘅蔥花海膽大板卷啦最近真係對海膽情有獨鍾，以前嘅我真係唔好海膽，食過一次靚嘅海膽之後就停唔到！呢個卷非常之足料，拖羅同海膽都非常多，平時就咁食板海膽都唔只呢個價，仲要有齊2種貴價食材，真係唔食對唔住自己
店員教我地要先自己加上豉油同wasabi，再由左邊開始捲起。我地跟住指示做，結果D餡多到擠晒出黎，我成手都hi 晒拖羅同海膽嘅口感好夾，海膽香味好出！加埋蔥令到個卷加添左一D fresh 嘅感覺！黎到真係必試！
食日本野我基本上都會叫天婦羅，仲要佢呢度有我鐘意嘅個種蕃薯天婦蘿，真係好難揾！天婦羅新鮮炸起，口感幾鬆脆。
最後就用串燒收尾，一串雞軟骨、豚肉露荀串，燒麵醬茄子串。稍稍覺得個豚肉露荀串鹹左少少。燒茄子係串燒裡面我好鐘意嘅，呢度加左個醬汁令佢甜左好多
食飽之後傾左一陣計見到有好多人等緊位，所以我地就讓左個位出黎去行街消化下！真係好滿足嘅一餐
張貼
