川味雞烤魚大王 (大河道)

營業中

休息中

好久冇吃烤魚，今日同friend去荃灣川味雞烤魚大王食。未入門就聞到一陣陣好濃郁嘅烤魚香味，胃口都大開。店鋪裝修得都好企理，唔會覺得逼仄。卡位都算多，出面都襬左2檯。餐廳有烤魚，雞煲，火鍋供選擇，因為我哋想食烤魚又嗜辣，所以我哋嗌左泡椒烤小半條皖魚中辣。烤魚賣相好好，魚肉又實又嫩，魚皮烤得焦香，配上泡椒辣味，好爽。配料都不少，有蘿蔔，番薯片，酸菜和芽菜。2個人食，分量都足。我哋還嗌左肉丸雙拼和幼薯粉。薯粉質地較硬，口感煙煙韌韌，還吸收左泡椒啲辣味，超級好味。貢丸和魷魚丸雙拼，烤魚湯底好正，辣辣哋俾咪料煮都好啱我哋口味。下次總約返吃雞煲。