御品·千之味 (振萬廣場)

營業中

休息中

今次自己收工叫外賣自取，打電話去落單，大概15分鐘之後拎得。有做緊限時優惠嘅人氣壽司拼盤餐A，$70都幾抵食。最欣賞係腐皮壽司，食落唔會太甜，幾好食。另外吉列炸蝦卷都推介，隻炸蝦唔喺好厚麵粉戈d。我另外叫咗火炙壽司拼盤配冷麵，冷麵拎到返屋企食，過咗一段時間，都唔會話黐埋一舊，配芝麻醬食一流。壽司飯都唔會話散開。👍🏼我每次食千之味都一定會叫嘅蒜香三文魚炒飯，好足料，有蟹籽，帆立貝，三文魚肉，仲有香濃蒜香，未食聞到都已經流晒口水。