Riso Café (已結業)

我一向都鍾意享受下午茶，今日係city walk 練完琴3點幾，有點口痕就去附近搵野食，見到衣間野冇咩人，但下午茶2幾蚊咁抵，就入去坐抵左，見到餐牌好豐富，最後都點左8號餐。8號餐左:南瓜湯，沙律，意粉，都係$26元，嘩好豐富，野飲就加$6點左每日鮮果薈，我問個服務生係咩，佢話係藍莓加蘆薈。先黎個南瓜湯，好大碟………有南瓜味，但食得出有粉飲完之後再上個主菜…沙律配意粉。先食個沙律，生菜好爽脆，配上香草沙律汁好開胃。意粉係用青椒炒，份量雖然唔多，但我都剛剛夠飽。最後飲埋個飲品，藍莓同蘆薈加冰打碎，好冰而且仲飲到蘆薈粒，好滿足呢。