鳴門魚市場居酒屋 (已結業)

聽講呢間餐廳外賣自取有八折，壽司刺身卷物類直情做緊半價優惠，咁抵當然要食啦。（下文價錢未計算折扣）.我哋叫咗幾款壽司🍣，分別係吞拿魚腩（$48）、鵝肝（$68）、炙燒三文魚裙邊（$45/2）、鰻魚（$45/2）、鮮貝柱（$45/2）、三文魚籽（$45/2）。吞拿魚腩夠晒肥美，半價廿幾蚊有一件，好抵呀。.我每次都會食佢哋嘅三文魚籽，鹹香鮮甜又唔腥，食得出來貨質素非常高。.我哋仲叫咗一份炸軟殼蟹牛油果沙律🥗（$65）。炸軟殼蟹好香脆可口，牛油果同沙律菜食落就好清新。.呢度嘅名古屋芝麻雞翼🍗（$50）都係必食之選。佢哋啲雞翼炸得特別香脆，但係又鎖住啲肉汁。