新肥泉海鮮大排檔

營業中

休息中

今日放工後去咗間大排檔食晚飯，朋友話呢度有個90分鐘任飲任食放題，$288/388/488，大排檔放題真係第一次聽，一開始以為90分鐘唔夠食，點知食到60嘅時候其實都已經覺得好飽😂每人每次可以叫兩碟，我哋總共食咗10幾碟到啦，豬牛雞菜湯飲品，款式都真係幾多，淨係牛都已經有10幾款，Menu講明話無論人數有幾多都會以例牌份量上，所以越多人食越可以試到唔同嘅款式，兩個人就單點抵啲🤔我最鍾意食蕃茄薯仔魚雲湯，湯底好清甜，而且入邊嘅配料都好多，又解渴，不過飲完都幾飽㗎，因為一碗都真係唔少。第二個就係牛仔骨，未見過牛仔嘅份量可以咁多，出邊都係多菜少肉，單點嘅話性價比好高，牛肉好嫩，冇牙都食到，調味都唔錯，加碗白飯撈埋一齊就啱啱好。