影片
更多
2021-05-19
1529 瀏覽
有睇我之前食佢地tea set 嘅食評就知我有佢地d coupon,今次依餐就係為左用左d coupon 而食的午餐。原本唔係打算係依間分店食的，但因為係另一間受左氣而轉戰依間。呢一間嘅環境比較開放式少少，枱同枱之間嘅距離都十分恰當，唔會太過接近，而且張枱嘅大細都好好，放左食物都唔會逼到冇位，食得幾舒服簡單講下我地點樣洗d coupon 啦，我地4個大人，一個小朋友。叫左三set special menu(公司三文治，海蝦同千層面）, 附加三個signature 嘅cake slide。咁樣嘅話呢，價錢就會岩岩好過左900, 然後就可以用到三張coupon 啦😆因為我地叫左三set lunch, 佢d 面包每款都比左三件我地，件件都又熱又軟，加埋佢d 牛油真係好正，牛油都有三小份，仲好貼心咁係上面加左張紙，感覺好不錯可以揀餐湯or salad, 湯入面有蘑菇粒，味道唔錯，唔會太creamy 太膩。巴馬火腿嘅鹹度係我好鐘意同易接受，微鹹微鹹的，哈密瓜唔會太甜，所以兩者配搭得好好。個人覺得湯比沙律菜更吸引。個千層麵雖然其貌不揚，一開頭我都唔知係啲乜嘢嚟，但係食落又幾好食。可惜佢周圍嘅配搭有
呢一間嘅環境比較開放式少少，枱同枱之間嘅距離都十分恰當，唔會太過接近，而且張枱嘅大細都好好，放左食物都唔會逼到冇位，食得幾舒服簡單講下我地點樣洗d coupon 啦，我地4個大人，一個小朋友。叫左三set special menu(公司三文治，海蝦同千層面）, 附加三個signature 嘅cake slide。咁樣嘅話呢，價錢就會岩岩好過左900, 然後就可以用到三張coupon 啦😆
因為我地叫左三set lunch, 佢d 面包每款都比左三件我地，件件都又熱又軟，加埋佢d 牛油真係好正，牛油都有三小份，仲好貼心咁係上面加左張紙，感覺好不錯
可以揀餐湯or salad, 湯入面有蘑菇粒，味道唔錯，唔會太creamy 太膩。巴馬火腿嘅鹹度係我好鐘意同易接受，微鹹微鹹的，哈密瓜唔會太甜，所以兩者配搭得好好。個人覺得湯比沙律菜更吸引。
個千層麵雖然其貌不揚，一開頭我都唔知係啲乜嘢嚟，但係食落又幾好食。可惜佢周圍嘅配搭有啲寡淡，令到成碟嘢睇落唔算太過精美。
公司三文治梗係唔係平時茶餐廳食開野嗰啲料啦，薯條好脆，三文治餡料好好食。
呢一個應該算係三樣裏面我最唔特別感興趣嗰個。不過依個係比較個人原因，因為我都唔係好鍾意食三色椒，但係佢啲蝦係幾好嘅，唔會好有雪藏0味。
佢嗰set可以揀食雪糕或者食蛋糕。跟餐蛋糕係比散水餅size嘅嗰種蛋糕大啲，所以個價錢都貴啲。如果唔係跟set食嘅話一件計埋+10%好似要$99。散水餅size就$45左右。然如果唔揀蛋糕揀雪糕嘅話就會有兩球雪糕。佢啲蛋糕都好食嘅。
飲品可以揀coffee or tea,我揀咗earl grey。感覺蠢咗，如果早啲叫嘅話就可以早啲飲住茶去嘆個cake我哋幾個大人share 正餐同甜品，可以試多d 之餘又唔會食膩，感覺很不錯，最尾埋單每人都係150 多d
張貼
