口麻天辣

營業中

休息中

🥘香濃麻辣湯麻辣燙呢個係好濃好辣既湯底！味道好鹹香，但係食得太多都會好鹹好辣！佢個味道好濃，我哋叫嘅手工麵都掛滿咗湯汁！呢個絕對係重口味人士之選！ 🥩麻辣牛展牛展煮得好軟，好入味! 佢個醬汁唔算太油，食落去真係好香好好味! 🍮彩虹冰粉呢一個係一個必叫嘅甜品！就咁睇視覺上嘅效果已經好吸引，好適合打卡啊個彩虹樣！佢個冰粉好清甜好凍，上面鋪咗紅豆，黑芝麻，酒糟，提子乾，同埋小丸子加上香脆嘅花生碎，無論味道同口感都好豐富！暫時係我食過咁多個冰粉入邊最好食嘅一間！有驚喜！ 必點！🥓黃金脆炸小酥肉份量好足夠，亦都好香脆，但係上菜嘅時候放涼咗。我攞咗呢一個炸小酥肉去浸一浸 D熱既麻辣湯食，即刻好食左！ 🫔紅糖糍粑呢一度嘅紅糖糍粑真係炸得好好味！平時去大陸食過嘅紅糖糍粑都比較幼細，好似薯條咁粗，但係呢一度嘅紅糖糍粑真係好大嚿，好粗，口感一流！佢炸得好好，外脆內軟，糍粑軟糯度非常適中！再裹滿咗好香嘅熱紅糖醬，真係好好食！