影片
更多
2024-11-05
212 瀏覽
有時會去市集行下街，而餐廳係正荔枝角MTR同埋D2 Place出面，去完市集再過嚟食下野坐下都唔錯。裝修同平時對餃子舖嘅印象好唔同，好靚幾有特色。而且仲有平時少見嘅味，有松茸有芝士甚至有壽喜燒牛肉味，甚至有全素餃滿足唔同人嘅口味。揀咗香煎軟心芝士餃、煎元貝豬肉餃，湯嘅雙拼大白菜豬肉餃加雲耳椰菜豬肉餃，另外仲加咗個菜。全部味都好想試所以每款都揀咗7隻，可以試多啲﹗加購咗白桃烏龍牛乳茶同埋蟀蜜檸檬薏米，無論熱飲定凍飲杯上面都有好可愛嘅圖案，原來係一隻浸緊湯嘅餃子，杯上面係餐廳嘅名，好正。白桃烏龍牛乳茶嘅牛奶味好出，同埋清新嘅茶好夾，甜甜地又唔膩，邊食邊解渴。而另一杯更加解渴同埋更健康嘅薏米水都係必試，加埋蟀蜜同檸檬令到味道好豐富。主角餃子，我最最期待嘅香煎軟心芝士餃﹗上枱已經好香噴噴，咬落真係超濃郁嘅芝士味，肉眼睇已經好多，煎完軟心融咗落去啲肉同埋粟米粒度，食落有種被芝士包圍住嘅幸福感。元貝豬肉餃仲有金菇同埋西芹，西芹味有小小搶。外皮煎到勁香超脆，每一隻餃子都好飽滿好足料﹗超出色﹗餃子除咗餡料同餃子皮好重要之外，醬料都佔好重要嘅位置。有醋、四川辣醬、菜脯豆豉辣椒醬同埋鹽。因為中意食辣所以兩
而且仲有平時少見嘅味，有松茸有芝士甚至有壽喜燒牛肉味，甚至有全素餃滿足唔同人嘅口味。
揀咗香煎軟心芝士餃、煎元貝豬肉餃，湯嘅雙拼大白菜豬肉餃加雲耳椰菜豬肉餃，另外仲加咗個菜。全部味都好想試所以每款都揀咗7隻，可以試多啲﹗
加購咗白桃烏龍牛乳茶同埋蟀蜜檸檬薏米，無論熱飲定凍飲杯上面都有好可愛嘅圖案，原來係一隻浸緊湯嘅餃子，杯上面係餐廳嘅名，好正。白桃烏龍牛乳茶嘅牛奶味好出，同埋清新嘅茶好夾，甜甜地又唔膩，邊食邊解渴。而另一杯更加解渴同埋更健康嘅薏米水都係必試，加埋蟀蜜同檸檬令到味道好豐富。
主角餃子，我最最期待嘅香煎軟心芝士餃﹗上枱已經好香噴噴，咬落真係超濃郁嘅芝士味，肉眼睇已經好多，煎完軟心融咗落去啲肉同埋粟米粒度，食落有種被芝士包圍住嘅幸福感。元貝豬肉餃仲有金菇同埋西芹，西芹味有小小搶。
外皮煎到勁香超脆，每一隻餃子都好飽滿好足料﹗超出色﹗餃子除咗餡料同餃子皮好重要之外，醬料都佔好重要嘅位置。有醋、四川辣醬、菜脯豆豉辣椒醬同埋鹽。因為中意食辣所以兩款辣醬都拎咗啲試下。
本來湯餃就咁食已經好好食，因為每款都好足料，豬肉肥瘦適中，菜蔬嘅份量都唔少，每一啖都食到菜同肉嘅味。而加埋特製醬料令成個味道提升咗層層次，特別中意菜脯豆豉辣椒醬，食落好惹味，都幾辣下，但超級過癮，如果食得辣又中意食辣一定要試埋。
另外加咗菜令自己好似無咁大罪惡感，每棵都好大棵，仲有松茸同紅棗。
張貼
