掂檔車仔麵 (已結業)

尖沙咀一向係貴價餐廳為主但行多幾步近佐敦附近 就有間好掂檔嘅車仔麵除左車仔麵之外 仲提供好多小食同飲品秘製鮑汁豬手鳳爪撈粗 $62先講豬手鳳爪 兩樣都煮得非常入味豬手好腍 而且咬落即溶 膠質好豐富粗麵好爽 加上蠔油撈 惹味十足另外亦有油菜解膩 幾貼心凍珍珠羅漢果茶 $20(跟餐加配$8)少有餐廳會提供自家製涼茶而且仲將珍珠加入涼茶不單可以清熱降火 仲有咬口羅漢果好甘甜 食濃味野必點解膩招牌推介山寨雞翼 (單件$10 雙件$16)酥炸章魚燒 (單件$10 雙件$16)小食種類多 叫左最出名的兩款山寨雞翼外皮好脆口 內裡肉質仍然好嫩章魚燒好彈牙 並非一般章魚可媲美 必點