壽司豐 (已結業)

真係好掛住日本，新鮮嘅魚生，殷勤嘅款待，已經兩年無去過🥲omakase就可以幫你暫時一解思鄉之情。Lunch omakase有兩個選擇，分別在一個多咗令和怪物生蠔同和牛$980，另一個就　$780。因為唔食生蠔所以揀咗平啲嗰個。頭盤先食咗個涼拌菠菜同埋茶碗蒸。係食緊嘅同時師傅已經為我哋準備緊刺身，坐喺呢個位置，望住師傅切魚生，可以呃下自己而家喺日本🤣轉眼間師傅已經將魚生切好，擺靚靚就傳遞到我哋嘅前面。間白，帶子，大拖羅依照師傅介紹嘅次序進食（淡到濃）食到大拖羅果到直頭要瞇埋眼享受🤤，油花、鬆軟度，令人回味無窮。五貫壽司🍣分別有赤貝，伊佐目，醃漬鯖魚，赤身，海膽五款唔同嘅壽司各有各嘅特別之處，新鮮鮮味已經唔足夠形容佢哋。自己本身最欣賞嘅係伊佐目，驚火槍輕輕燒過，必咗啲油出嚟，令鬆軟嘅魚生多咗份油香。重點重點嘅係海膽，雖然唔係即開，但係個味道好新鮮好甜，一啖擺入口，如同食雪糕嘅感覺。熱盤係銀雪魚，啖啖肉，同個燒汁好夾！最後先食粒蕃茄，可以沖淡返燒汁既濃味。飲埋個麵豉湯同杯咖啡，就為呢一餐回味日本之旅畫上句號。