K Square 3 Grill & Bar (已結業)

日本串燒食得多，但自己係爐燒就好新奇，可能我大鄉里啩，時間尚早，餐廳不是太多人，枱亦擺放算寬鬆，又有日本MTV 伴食，食慾大增，我地叫咗個浜燒鮮活海鮮，佐賀A4和牛，野菜盛合. 都係二人份量，賣相win 哂，大蝦，松葉蟹柳，鲍魚，生蠔，帆立貝，睇落好新鮮，蝦好大隻，蟹柳肥嘟嘟，其他D餐廳好細痩架，我地見到D和牛對眼發哂光，D紋好均衡，流哂口水，雖然自己燒可以控制生熟度，但又好似有D難度，控制唔好，過熟既話就激死，幸好店員會不時幫我們將D海鮮係爐上反轉，仲提醒不要燒過時，並要加入調味, 有海鹽，燒汁等等，佢地好有耐性，好细心解釋用邊種調味最適合，有人提點當然燒到啱啱好，保持肉汁，好鮮甜，蝦又大又彈牙，鮑魚剛剛好，好鮮嫩，加埋燒汁，好鬼好味，正👍 , 生蠔，帆立貝燒完就縮咗水，不過都鮮甜，A4級和牛，急不及待，店員提示不宜燒太久，兩邊輕輕燒一陣就可以，不太肥不太瘦，入口即溶，完全冇渣，只有一個正字，冇得頂👍 我地再加咗兒時喜愛既燒棉花糖，外脆內軟，好滿足，雜菜天婦羅，炸漿唔算厚，炸到剛剛好，我地慢慢咁燒下燒下，兩個人竟然食得哂，飽到想即刻瞓😁