黑木亭居酒屋 (金馬倫道)

今日同FD行街，FD話想食日本嘢，咁一定要試試黑木亭啦。哩間餐廳晚市好full，7點已經滿咗，如果唔想等位要早啲book位啦。今次推出咗數款季節限定，好多都好吸引。蜜桃烏龍熊茶，熊熊好cute。飲落蜜桃味幾重，烏龍茶底好香好清甜。藍蝶花佛手柑熊茶，成杯嘢好靚，顏色漸變層次好明顯。最底落咗大量柚子蜜，再加埋柑橘味嘅佛手柑茶，飲落好清爽。黑木亭原創—黑糖啤酒拉麵2.0，哩個幾得意，用咗啤酒杯裝拉麵，上面落咗大量cream。食落拉麵冰涼清爽，好似食咁忌廉意粉，好啱夏天食。手羽雞翼塔，睇到都O曬嘴，真係勁大一份。雞翼表面炸到好脆口，內裡仲暴曬汁水。雞翼預先醃制過，唔洗點醬都好夠味。三味鐵板A5和牛鵝肝，今日主菜。A5和牛質素超高，用鐵板做到5成熟左右，入口即化。鵝肝搭配埋蘋果片同多士一齊食用，蘋果清甜中和咗鵝肝肥膩，在加埋鬆脆多士，口感好豐富。