龍鳳呈祥火鍋雞煲

營業中

休息中

今日喺尖沙咀行街，見到有個紅色霓虹燈牌，個店名都幾特別，龍鳳呈祥，原來係食雞煲火鍋，睇睇餐牌，價錢都唔算太貴，就入去試吓，入到去就好似去咗70年代咁，裝修得好有懷舊feel。日本港島蠔雞煲我地叫咗半隻，但都幾大煲，雞嘅份量都幾多，雞肉食落好嫩滑，d醬汁勁惹味，而d蠔每隻都脹卜卜，好鮮味，唔錯。龍鳳呈祥牛肉拼盤份量都唔算少，有牛小排，牛展，牛柳粒，牛舌等，d牛食落，牛味都幾重，都幾淋滑，肥瘦適中。龍鳳呈祥豐盛雜菜拼盤用好懷舊嘅容器裝住，都幾特別，每樣蔬菜都好新鮮。即制回味五香肉丁餃食落外皮好煙韌，d涵都幾多，咬落真係有五香肉丁味，都幾好食。新鮮鵝腸都幾大碟，份量都唔少，鵝腸都好新鮮，唔算太肥，食落好有油脂嘅香味，爽口彈牙。自家制陳年咸檸檸7d咸檸檬配7up係最夾，飲落咸咸，酸酸，甜甜，好爽。