The Coffee Academics (駿逸峰) (已結業)

本身唔太鍾意食西菜，但係因為附近上堂要食lunch，同學仔話呢間嘢坐得舒服啲，咁就是但啦。因為我唔鍾意飲咖啡，所以我冇能力評論佢嘅咖啡好唔好飲，但係我見佢嘅menu裏面，有幾個意粉都好似幾特別，都係fusion嘢。我就點咗呢個大蝦喇沙意粉，一試之下，真係有驚喜。大蝦新鮮彈牙，醬汁味道濃郁，意粉吸收左醬汁之後更加好味，加埋其他配菜豆腐卜同埋蜜糖豆，口感豐富，夾得非常之好。因為我唔飲咖啡，所以我叫咗熱朱古力，呢個就一般啲，朱古力味唔太香濃。