卅二公館

營業中

休息中

今次介紹呢間係一間好靚嘅中菜館，話說呢日生意夥伴生日，我哋梗係請食飯啦，問佢有咩好介紹，佢話帶我哋去間好靚嘅中菜館，嗰度有全中環最好食嘅叉燒，咁一定要去試下啦！一入到去呢間中菜館，好 Grand、好大、好靚！裝修設計好有特色，有好多唔同嘅打卡位，例如其中一間房係用咗好多支大毛筆做裝飾，又例如有另一個 Area 用咗好大個古典女士嘅樣貌做牆身裝飾，店舖中間又會有好多類似古董嘅擺設，整體感覺好高級好正。首先當然要硬咗著名蜜汁頂級黑毛豬叉燒，佔舖裡面真係有好大個爐睇住佢燒，叉燒有少少燶邊，肉汁非常豐富，好有咬口，係咪中環最好食唔知，但其他地方真係好少食到，另外有叫咗隻 42 天飼養北京片皮鴨，油脂分佈均勻，刀工都好有水準，另外買咗一個瑤柱豆苗，一個賽螃蟹配炒麵、燈影牛肉等等，成餐都好正！