貴德宮私房素宴

營業中

休息中

朋友今日帶我黎呢間素菜私房菜，菜式都好別緻，每款菜式都好好味。如意卷千色拼盤呢個拼盤款式都幾多，有壽司卷，燻蹄，有粉皮同青瓜絲，個味道都唔錯，最特別係燻蹄，真係好似肉嘅質地。杏汁海膽豆腐好香濃嘅杏汁，嫩滑嘅豆腐加上南瓜蓉，個味道非常夾。黃金繡球食落好鬆脆，唔會太油膩，入面嘅仿肉都好淋滑，唔錯有機蘑菇芝堡非常有創意，用蘑菇做漢堡，夾住青瓜，蕃茄，食落好清新。藥膳翡翠包藥材味非常濃，個椰菜包非常鮮甜，加埋入面有冬菇，粉絲，素肉，食落好豐富，好味姬松茸雪梨養生湯呢個湯都非常足料，飲落個湯好濃郁嘅姬松茸嘅味道，感覺好滋補。蟠桃花錦繡配藜麥飯有卜卜脆嘅齋雞粒，有獅子狗卷，有露荀，有桃，個味道似咕嚕肉，酸酸甜甜，好開胃玩埋煙煙韌韌嘅藜麥飯，正。椰香咖喱素雜錦配黃油法包個咖喱勁香，唔算太辣，有椰菜花，仿魚旦，仿肉丸，薯仔，d魚旦肉丸好彈牙，用法包點咖喱一流。蟲草花油揚扒菜苗d菜苗好嫩，食煮得好淋滑，仲有大量蟲草花油揚，非常好食。石榴桃粒果涷果涷嘅質感好煙韌，帶有酸甜嘅味道，晶瑩剔透，好睇又好食鮮磨合桃露合桃露好creamy,好幼滑，唔算太甜，好香合桃味，好味。