新東王 (已結業)

呢間台式食店雖然選擇唔算多，但最有特色既就係台式蘋果湯咖喱系列，離遠已經聞到好香既蘋果湯味。呢間鋪啱啱開既時候只有綜合素菜飯同豬軟骨飯，依家加多左個雞球飯，都好好食！雖然份量唔算好多，只有兩至三舊豬軟骨，但無論係蘋果味定咖喱味都係好香口，同埋甜咖喱同蘋果味其實好夾，唔會太甜，係共補不足有種好fresh既感覺。如果唔夠飽既可以加個set，之前我都試過加炸雙丸（貢丸1/花枝丸1）同冬瓜茶，食完都幾飽亦都幾好味。