天聚源 (已結業)

今日收早同老婆入去屯門行下，藍地大街一帶 都好耐冇去過，兩旁小店不論食肆及賣靚生果嘅店舖都很有特色，呢個環境有啲似去咗長洲一樣！今晚很早，便想食晚飯，見到呢間天聚源係食蒸氣火鍋，心喐喐梗係要試下啦！呢間店舖，原來裏面裝修都好有特色，有室外位置，環境亦十分理想，不過今日天氣仲係 有少少熱，我哋選擇係，有冷氣嘅室內食熱辣辣嘅蒸氣火鍋！呢度嘅服務員很細心，每款食物都係按照指定嘅時間，火候剛剛好，因為海鮮不能夠太生，太熟又會失去鮮味……最後粥底加上生菜絲，濃郁嘅海鮮精華滲透 整碗生菜粥，配上雞件特別鮮甜龍蝦 生蝦 大聖子 特大扇貝 花甲 沙白 都很新鮮！走地雞，新鮮嫩滑，脂肪不算多，但入口雞油 滲透每吋口腔！