荔園﹒流金歲月 (已結業)

荔園﹒流金歲月 (荔枝角)一直知道荔枝角有個特色商場D2 PLACE, 今日終於去左，入面好多特色小店同野食，行到有間餐廳就俾嗰吸引左入去，佢主打係荔園懷舊，裝修好靚，有特色！食物唔知點呢？🧐流金歲月小炒皇($88)上次食完小炒皇就念念不忘，好想再食。見個餐牌有喎，即叫！今次呢又有少少唔同，基本有韮皇，蝦乾，呢碟就多左小帶子，蝦同魚皮，口感幾好，略嫌咸左少少，不過餸飯一流！🤙🏻🤙🏻泰醬一口骨($68)見餐牌寫住泰醬，唔知乜傢伙，叫黎試吓先！黎到同咕嚕肉有乜分別😂嗰醬係多左啲泰式辣醬味，一碟都有好多舊，舊舊都有骨。唔錯嘅！可以慢慢損啲醬😂😂😂扭扭菠蘿冰($32)夏日熱辣辣，緊係嗌杯菠蘿冰消吓暑，呢度嘅菠蘿冰好得意，俾嗰菠蘿你自己搾，不過好難揸，用盡全力！最後都係叫侍應幫我地😌好有菠蘿味，幾好飲，唔似出面啲假菠蘿味！味道:🤤🤤🤤價錢:💰💰 💰 💰（性價比低）環境:👍🏻👍🏻👍🏻👍🏻👍🏻地點: 荔園﹒流金歲月 (荔枝角)荔枝角長順街15號D2 Place 二期2樓211-216鋪#hkfood #hkfoodie #荔枝角美食 #荔園 #hkblog