順鑫腸粉佬

營業中

休息中

一間由細見到大嘅鋪頭，每次都會好親切問一句「阿妹要咩」今次要腸粉魚蛋粉果碗仔翅腸粉呢到啲腸粉好好食㗎，好多地方都會喺張紙度搽好多油，呢到好得意，次次都唔見佢搽油，但係佢啲腸粉又唔會痴喺張紙，好容易用竹簽拮上黎食，又唔需要叫佢多醬，因為佢哋永遠俾好多醬，講眞食呢啲腸粉就係要食醬魚蛋我叫嘅係辣魚蛋，唔好見佢顏色冇料到，以為佢唔辣，一食落去眞係有辣味㗎粉果佢入面好多料，個皮又唔硬碗仔翅呢個眞係足料碗仔翅，有粉絲木耳蛋絲火腿肉絲，最鍾意佢啲肉唔會太多，因為我好唔鍾意太多肉嘅碗仔翅，又整得唔太稀或者唔太杰身