順鑫腸粉佬

營業中

休息中

竟然仲會有$6/2粒既牛肉球同$5/5粒既燒賣😮食落燒賣唔差，至少有彈性唔係蒸到淋晒發脹晒既燒賣，佢既辣油鼓油都唔錯，牛肉球唔係平時食點心個種好淋既質感，係好實淨，好似食緊大粒嘅陳皮魚蛋🤣呢個價錢真係抵食

今日有事過嚟呢邊，見到呢間嘢平平哋，於是就幫襯。$25——三餸車仔麵，一開始見佢裝到咁大碗，心諗大件夾抵食。點知近距離望到條紅腸，已經覺得條紅腸唔知放咗幾多日…..溶溶爛爛….咬咗一啖覺得自己真係中咗伏⋯一陣up味…（利申：條紅腸唔係俾我咬到溶溶爛爛，而係佢本身已經係咁嘅樣）紅腸我就即刻掉咗冇食，其他餸就照食：正正常常。最慘係我仲買咗個粢飯$14，咬落去覺得自己食緊糯米雞嘅米，個粢飯又係比我感覺唔知放咗幾耐，咬深啲食埋啲料有陣酸味味嘅味道最後又係掉咗。唔係想浪費食物，但係食到咁樣，真係驚自己食壞肚。

明明諗住過嚟買啲 #小食 就返屋企，點知 #小秘書 就東睇睇西睇睇，正想收手走去買個 #下午茶餐，點知原來當時已經差唔多18:30😅 而家過咗六點就算有錢都唔都可以 #堂食，唯有簡簡單單去幫襯「腸粉佬」買啲小食醫吓個肚。望吓頭頂上嘅餐牌，心諗我係咪睇錯？ 點解啲價錢可以咁親民🤪 #燒賣、#腸粉 + #粉果，加加埋埋 #老闆 都只係收我$18。除咗 #辣醬，所有 #甜醬、#麻將、#豉油 我都要齊🤩 腸粉質素果然 #名不虛傳，口感滑嘟嘟。不過我明明叫嘅係 #腸粉魚蛋，最衰臨走前冇打開包 #外賣 嚟睇，返到屋企先知道 #魚蛋 變咗 #燒賣👉🏻👈🏻 好在燒賣味道都唔差😉 不過係老闆可能為咗響應 #環保，夾硬將啲粉果放埋入我包腸粉裡面，搞到啲 #汁醬 沾滿哂粉果外層，味道唔太夾😅 不過以價錢嚟衡量，確係抵食嘅！

由細到大都好中意試唔同地方既粉果，腸粉佬一定係我最推薦，好有人情味，今日放學買左7蚊兩隻粉果食，皮厚啱啱好，唔會話好似平時勁多粉，超足料！！花生，粉葛粒同蔥等等，餡料非常入味，配豉油簡直完美！大力推介！😋😋

之前得小食賣 但而家有埋車仔麵叫喇 都幾好架 我就因為唔係話太肚餓就黎呢到食小小野 叫左個糯米雞同潮州粉果 糯米雞入面有雞翼 d料都足夠 潮州粉果就正正常常 整體黎講都幾好 野食都夠熱

一直都有食開腸粉佬賣嘅燒賣同腸粉，冇特別試其他嘢食，嗰日突然間想食豬紅韭菜同埋豬腸，就順便叫埋啦！其實之前都有喺其他地方食過豬紅韭菜加豬腸，但一直覺得唔多好食，因為成日啲湯底都冇咩味豬腸又太肥韭菜又太老！咁嗰日喺腸粉佬買咗返屋企食啦，食第一啖已經驚為天人，首先佢係有湯底嘅，而個湯底係飲得出好味嗰隻嚟嘅，飲落似豬骨湯咁！而主角豬紅韮菜加豬腸真係做得好出色，韮菜唔係老果d，極易入口，豬紅大細剛剛好唔會比你夾碎，食得出係靚豬紅，豬腸好入味，而且係腸入面唔會有太多肥膏！中而且價錢極實惠，我覺得係超級街坊價廿蚊有找！咁我仲有買埋一向有食開嘅腸粉加燒賣，腸粉一向都係優質腸粉，而且幫你落勁多醬，超正！而燒賣就一般貨色！

呢間腸粉佬小食店簡直係窮人恩物，因為佢嘅價錢實在太經濟，深受街坊歡迎，有好多老友記買完餸都會買返幾蚊腸粉黎醫肚呢！腸粉佬嘅選擇好多，除左腸粉受歡迎之外，仲有燒賣，辣魚蛋，粉果，牛肉球，煎餃，蘿蔔糕，連薄餐都有，每樣都係幾蚊就有交易，無論係醫肚定口痕想搵野食，呢度都可以滿足到你今次就點左腸粉，燒賣，粉果，牛肉球黎做午餐醫醫肚喇！腸粉一如以往嘅好，唔會太厚粉嘅感覺，呢個價錢有咁嘅質素，唔怪得咁多街坊幫襯喇！而且腸粉醬汁係好味嘅，尤其係麻醬，點多醬就一定無錯喇！至於燒賣，個人覺得蒸得較乾身，但燒賣口感唔錯！牛肉球及粉果都同普遍嘅小食店差唔多！呢間小食店嘅店員好好人架，好多人排除都買好幾款食物，佢地走黎走去好忙，但都好好禮貌

雖然我今日食左個lunch 但係都唔夠飽 想食小小野 但又唔想太飽 食腸粉呢d小食野就最岩架喇 叫左4條腸粉同埋牛肉球 腸粉一定落好多醬 因為花生醬係我既至愛 咁我就覺得腸粉都順滑 牛肉球都好食

呢間腸粉佬真係要舉起手指公大讚，仲要係不得不讚！點解我幫襯咁多年都無幫佢寫食評架？我真係抵鬧！呢間【腸粉佬】真係需要被廣傳，因為老闆太有良心啦！價錢平民，味道一流！👍👍👍👍👍👍👍👍👍勤奮既老闆每朝零晨3-4點我就見佢開工喇！有時我早收就會搭的士返竹園街市落車，同佢買份早餐先返上樓，茶記早餐廿幾三十蚊就一定啦！響呢度十幾蚊就可以食飽飽😋通常我只係食開幾樣野，無計！情有獨鐘！$10/3件羅白糕，羅白糕係老闆娘親自整架，真係好好味道，不要我自己好鐘意食脆口羅白糕，所以返屋企會再翻煎。早餐我多數買一份$6/4條腸粉，加$5/5粒燒賣，有時會再多一隻$4粉果，已經係一份豐富早餐😋先講腸粉，超級白滑，煙煙un un，而且好有懷舊feel，我同呀仔都好鐘意食，仲有$1粒燒賣喎⋯⋯宜家好多地方邊有賣咁平呀？個粉果又係大讚，粉果皮唔厚，又彈牙，肉餡又多，值得推介試下！不過我最愛的都係佢地自家制既麻辣醬，超好食！所以我每次幫襯都一定要加麻辣，食乜都要加！佢地既麻辣唔算好辣，對我黎講只算係香辣，不過就真係好味，另外老闆佢地有枝秘制醬，又係超級好食！如果我當日食車仔麵的話，一定要勁多😋😋😋早幾日我下就去幫襯，

一間由細見到大嘅鋪頭，每次都會好親切問一句「阿妹要咩」今次要腸粉魚蛋粉果碗仔翅腸粉呢到啲腸粉好好食㗎，好多地方都會喺張紙度搽好多油，呢到好得意，次次都唔見佢搽油，但係佢啲腸粉又唔會痴喺張紙，好容易用竹簽拮上黎食，又唔需要叫佢多醬，因為佢哋永遠俾好多醬，講眞食呢啲腸粉就係要食醬魚蛋我叫嘅係辣魚蛋，唔好見佢顏色冇料到，以為佢唔辣，一食落去眞係有辣味㗎粉果佢入面好多料，個皮又唔硬碗仔翅呢個眞係足料碗仔翅，有粉絲木耳蛋絲火腿肉絲，最鍾意佢啲肉唔會太多，因為我好唔鍾意太多肉嘅碗仔翅，又整得唔太稀或者唔太杰身

今晚同老公去竹園邨針炙，佢帶咗我去食佢上次推介嘅良心腸粉店！小店喺商場門口附近，幾方便！老板應該已經認得老公，交談親切。老公叫咗一碟腸粉魚蛋，一碟腸粉燒賣，腸粉$6有4條，魚蛋$5有6粒；燒賣就$5有4粒。豉油，甜醬，花生醬同芝麻份量恰到好處，食到尾嘅腸粉都仲有足夠嘅醬，芝麻真係好香，真係又平又好味！臨走前老板仲同老公講叫佢得閒嚟探佢，好搞笑！呢度俾我感受到一份滿滿嘅人情味！我影咗張小店嘅相，方便大家去搵！

老公見我成日寫食評，佢都寫埋一份 以下係出自佢本人嘅足本！針灸完肚仔餓去搵食，見到腸仔佬呢個招牌，腸粉好似六蚊四條，睇價錢經已覺得好貼地，於是就order咗一份！嗱，識得食，一定係配埋魚蓉燒賣嚟食，加埋都係十一蚊，係十一蚊喎！印象中呢個真係我呢個八十後初中年代嘅價錢嚟！不禁同老闆講咗句：好耐冇食過咁抵食嘅腸粉啦！佢笑笑口咁話：哈，係呀！第二道真係食唔到，得我仲賣緊呢個價錢，而且第度仲冇我咁好味添呀！老闆一貫作風咁問我要咩醬，睇佢落芝麻嘅時候毫不留手，就知碟腸粉個醬足料！！雖然冇影相，不過都形容吓碟腸粉個賣相：雖然係最後一份，但每條都脹卜卜，啲甜，麻，豉油好有潑墨畫風咁散佈喺上面，再加一陣香口芝麻做裝飾，旁邊就有五粒黃色燒賣，三個字形容：好地道！車，咪又係豬腸粉加魚蓉燒賣！要知道腸粉其實都有級數分㗎，唔好食嘅會鞋口，甚至乎入口都凍嘅，呢檔雖則唔係熱到燙嘴，不過食得出係夠熱，就算係加咗存放喺常溫嘅醬汁都仲好夠熱，而且一啲都唔鞋口！重點嚟啦！個麻醬好香口，芝麻香得嚟唔會有燶味，兩樣加埋令到食完行到出巴士站等車嘅我，口腔都仲有麻醬味嘅餘韻！！魚蓉燒賣喺呢刻，好唔好味其實都係次要啦！五蚊五粒就

放工過對面馬路搭巴士過竹園 , 正值下午茶時間 , 又口痕喇 @@"公司同事多次警告我 , 要減肥 , 就要 cut 左下午茶 , 一係就食飽 d 索性下午茶連晚餐一齊食 , 早 d 勒令自己封口淨飲水 , 今日我都有打算係咁o家 , 下午茶都食到半飽 , 只係夜晚忍唔住再食之嘛而令我半飽o既 , 就係竹園商場呢間腸粉佬 , 吸引我o既唔係腸粉 而係 $ 6 一舊細細件o既餈飯 , 咁食開就緊要試埋個招牌啦 xd1. 炸菜肉鬆餈飯~ size 好似個饅頭咁大 , $ 6 , 另外有雞肉口味 , 我揀左傳統o個隻 , 炸菜肉鬆份量都唔少o家 , 味道正常 , 裏面無油炸鬼 , 好處係唔使咁難咬開事關我基本上無乜食過 d 餈飯入面條油炸鬼唔係淋晒又韌到扯唔開 咪睇佢細細件 , 都幾飽肚o家 , 食完佢又可以再試其他野 , 仲好過食大o既2. 腸粉 + 燒賣~ 腸枌並無過淋 , 可惜唔夠滑溜 , 而腸粉o既靈魂醬料 , 亦只屬一般麻醬好稀都唔夠香 , 落左等於無落 , 豉油偏甜 , 甜醬顏色古怪 , 只係有少少甜味燒賣口感都正常 , 唔會太過一舊粉 , 魚蓉味道合格 , 唔會有腥味## 除

今天我們一起回媽媽家..回家途中..我們都想下午茶..結果來到竹園商場地下的這間小食店..支持一下屋邨經營的店舖小食店內選擇算是多..不但只有魚蛋,燒賣,腸粉..還有車仔麵呢!我選擇了食腸粉,燒賣及粉果..雖然味道一般..粉果皮比較厚..腸粉份量都算多..燒賣價錢適..但老闆服務態度很好..很值得支持的小本經營!