蕾

營業中

休息中

今日行過旺角，朋友話帶我食間隱世居酒屋。距離地鐵站唔係好遠，幾分鐘就黎到。梅子蕃茄酸酸甜甜，非常開胃！朋友好中意佢既蕃茄，夠曬清新。我反而中意酒盜芝士，面頭有酒盜，比較重口味，襯托出芝士既奶香味，幾好。居酒屋一定要食串燒，店員介紹佢地係用日本備長炭黎燒，好有heart。車厘茄，燒得剛好，吃落爆汁！翠玉瓜，好中意佢既調味，微辣爆汁好惹味！肉類黎講一定要吃五花腩串同埋白鱔！五花腩大件得黎好香好有肉汁。白鱔大大舊而且燒到外皮脆口，肉質彈牙，好有水準！另外月見雞肉棒都好正，雞肉加入軟骨吃落好有口感，加埋蛋黃醬汁味道就更香！豚肉生菜卷，豚肉包住生菜，豚肉係汁燒已經好夠味，仲有少少焦香，生菜清新多汁，正呀。特別一提係佢地既飯料理！夢王蛋飯有大量蔥花加上醬油蛋黃，香到不得了，好味。而燒飯團都好特別，表面燒到香脆，入面既飯有醬香味，正！蕾既sake 好多選揀，店員推介左一款磐城壽純米酒，米味比較出，幾易入口。吃左啲串燒再飲既話酒味反而會變濃，非常有層次。整體而言食物好高質，睇得出好用心，味道亦好好。店員都好用心甘介紹同埋解答，各方面都唔錯，一定再黎！