小魚兒 (寶漢大廈) (已結業)

今晚接朋友放工，見到佢公司附近有間叫小魚兒係專門食烤魚和雞煲嘅專門店。我哋決定上去試試菜。這店地方挺大，座位亦十分闊落，裝修以紅色為主調，挺有中國風格，餐廳中間位置有個大電視放影著餐廳的不同嘅菜式，睇完已經口水直流。➰ 極品鮑魚雞煲 餐廳用QR code落單，可以選辣嘅程度，麻嘅程度、以及可以選擇埋要唔要芫茜，我哋超喜歡芫茜嘅香氣，所以揀咗多芫茜。等咗一會兒，火爐連雞煲一起上枱，可以熱住嚟食，挺細心。餐廳哥哥重幫我哋即場炒香，雞煲啲香氣湧曬出嚟。雞煲裡有4隻大飽魚，而且夠厚肉兼爽口，而雞嘅份量都好多，啲雞肉夠嫩滑兼好香口。➰ 豉油王大蝦呢碟蝦上枱已經聞到好香，夠曬鑊氣。全碟有8隻大蝦，啲蝦殼炸到好酥脆，而裡面嘅蝦肉又夠鮮嫩多汁，而鮮香四溢嘅豉油又能包裹住每隻蝦，每一口都充滿著豉油嘅香氣。