影片
更多
2017-07-09
243 瀏覽
乜都未講之前，先想介紹呢個鹹蛋苦瓜！呢篇食評完全係為食咗呢個鹹蛋苦瓜之後嘅激動而打嘅！真係超好食咪睇佢好似平平無奇。 其實佢就有啲似係用咗黃金蝦嘅整法去整個苦瓜咁，但出面嗰層係鹹蛋醬真係超級香脆。 重點係！係出面個層做到好脆之餘佢仲可以保持到入面個苦瓜好多汁好鮮嫩。 我認我本身就係一個鍾意食苦瓜嘅人！但係就算我朋友本身唔鍾意食苦瓜，佢都覺得好正。 咁樣做完之後唔會覺得好苦，d鹹味同埋苦味兩者互相有啲中和作用，只係覺得好香好香。真心推介！$82真係好物有所值！中環食嘢不嬲除咗食味道仲要食環境。 呢度環境都幾舒服，碗碗碟碟亦都好靚。 連本menu都靚過人今日我哋呢係食下午茶。 有三樣嘢揀，每樣可以淺嚐少少，真係好我叫咗個酸辣海鮮麵拼豆腐皮蛋。一個熱一個凍，兩者互相中和啱啱好。 海鮮麵嘅麵條有啲厚。有啲似刀削麵嗰啲friend。係台灣食嗰啲麵多數都係類似咁樣嘅。 麵質好煙靭 酸辣嘅味道做得啱啱好。辣味唔會過份譁眾取寵！有幾粒小蠔&蝦仔吊下鮮味。 豆腐皮蛋加左菜脯同埋木魚絲， 增添咗嗰份甜味同口感！朋友叫咗個滷肉飯拼牛肋條拼紅油抄手。 佢話呢個唔係下午茶嘅份量，係午餐嘅份量 魯肉飯嘅鹵汁好香
鹹蛋苦瓜
$82
12 瀏覽
0 讚好
0 留言
咪睇佢好似平平無奇。 其實佢就有啲似係用咗黃金蝦嘅整法去整個苦瓜咁，但出面嗰層係鹹蛋醬真係超級香脆。 重點係！係出面個層做到好脆之餘佢仲可以保持到入面個苦瓜好多汁好鮮嫩。 我認我本身就係一個鍾意食苦瓜嘅人！但係就算我朋友本身唔鍾意食苦瓜，佢都覺得好正。 咁樣做完之後唔會覺得好苦，d鹹味同埋苦味兩者互相有啲中和作用，只係覺得好香好香。真心推介！$82真係好物有所值！
中環食嘢不嬲除咗食味道仲要食環境。 呢度環境都幾舒服，碗碗碟碟亦都好靚。 連本menu都靚過人今日我哋呢係食下午茶。 有三樣嘢揀，每樣可以淺嚐少少，真係好
我叫咗個酸辣海鮮麵拼豆腐皮蛋。一個熱一個凍，兩者互相中和啱啱好。 海鮮麵嘅麵條有啲厚。有啲似刀削麵嗰啲friend。係台灣食嗰啲麵多數都係類似咁樣嘅。 麵質好煙靭 酸辣嘅味道做得啱啱好。辣味唔會過份譁眾取寵！有幾粒小蠔&蝦仔吊下鮮味。 豆腐皮蛋加左菜脯同埋木魚絲， 增添咗嗰份甜味同口感！
朋友叫咗個滷肉飯拼牛肋條拼紅油抄手。 佢話呢個唔係下午茶嘅份量，係午餐嘅份量 魯肉飯嘅鹵汁好香，而且好“傑”，配飯真係好正！ 紅燒牛肋條既牛肋條炆得好林，好容易食！ 而且味道好香甜 紅油抄手有三粒，唔算好辣，油味充足。
黎得食台灣野點可以唔叫蚵仔煎？我哋另外叫咗覺蚵仔煎， 以前成日都覺得蚵仔煎係用薯粉煎嘅，今次食覺得有啲唔同咗，好似冇薯粉咁“傑” 。蛋好香，啲蠔亦都好鮮冇沙。佢仲用咗一隻菜，雖然我唔知係咩菜，但係配搭都幾特別新鮮。 紅色呢碟好似Tabasco嘅醬應該係開稀咗嘅茄醬。 加埋一齊食酸酸甜甜幾得意。
講完食物不得不提係佢嘅飲品，全部都感受到個種用心製作。 冬瓜茶有的揀熱或者凍，我揀左熱。 底嗰度有少少芋圓，同埋地瓜圓。 可以用飲管吸上黎連埋冬瓜茶一齊飲， 煙煙靭靭好正呀
呢杯野個名勁長，叫芒果q果水蜜桃鳳梨紅茶。 有啲似水果茶，水蜜桃味好濃。 底層有一d似椰果既芒果q果。 重點係啲q果係星星形㗎！好可愛 好適合口痕既你咬咬下咁。
張貼
