影片
更多
2018-02-01
206 瀏覽
返工做野有時真係做到無哂心機, 想食返啲好野對自己好啲真係好正常. 我又要講嘞, 我真係好憎對住果啲連鎖式無靈魂而且充滿壓榨既飯 (徧徧無選擇又要成日食..睇下怨氣幾深) 所以呢日buddy就捉咗我嚟呢間小店話比我 refresh一下~未到間店係對面馬路見到佢哋好sharp醒既招牌, Deserve Better. 我真係好感動, buddy成日都係我心情唔多靚既時候揾唔同既野嚟提醒我. 之但係, 佢係食三文治喎, 我呢個作為食三文治食到無乜味覺既 aiya OL 真係無乜特別期待喎."唔係三文治嚟架, 係多士, 脆卜卜好好味架." buddy 講既. "仲有...凍朱呢, 堅正架.." ok! 作為一個心情唔多靚既 choco 控, 我最鍾意試新野囉~ go! Buddy 一入去就點咗兩個餐, 分別係煙背肉同蕃茄, 凍朱同熱朱. 我其實係唔知煙背肉即係點架 haha... 凍朱熱朱同時出嚟了..嗱唔好意思下, 我影得有啲 out focus. 因為間小店既名真係好吸引我. 佢哋既LOGO真係好型!我第一啖飲落去, 你明唔明成個人醒咗既感覺係點? 佢係我係意大利天寒地凍時係cafe立飲
未到間店係對面馬路見到佢哋好sharp醒既招牌, Deserve Better. 我真係好感動, buddy成日都係我心情唔多靚既時候揾唔同既野嚟提醒我. 之但係, 佢係食三文治喎, 我呢個作為食三文治食到無乜味覺既 aiya OL 真係無乜特別期待喎.
"唔係三文治嚟架, 係多士, 脆卜卜好好味架." buddy 講既. "仲有...凍朱呢, 堅正架.."
ok! 作為一個心情唔多靚既 choco 控, 我最鍾意試新野囉~ go!
Buddy 一入去就點咗兩個餐, 分別係煙背肉同蕃茄, 凍朱同熱朱. 我其實係唔知煙背肉即係點架 haha...
凍朱熱朱同時出嚟了..嗱唔好意思下, 我影得有啲 out focus. 因為間小店既名真係好吸引我. 佢哋既LOGO真係好型!
我第一啖飲落去, 你明唔明成個人醒咗既感覺係點? 佢係我係意大利天寒地凍時係cafe立飲既味道呀..唔粉, 唔太甜, 好濃既朱古力香但係又超級順滑. 完全無漿口既感覺. 一飲就知道係用靚野! 睇返呢杯朱古力跟餐原來係要加錢的, ok! 我覺得絶對值得比.
跟住就係份多士了. 唔知係咪香港女仔多數鍾意乜都share 呢? 個老細 (應該係, haha) 好細心咁問我哋係咪share. 仲幫我哋切好分好唔駛我哋做枱面交易, good!!
其實嚟到我面前我都唔係好睇到裡面夾住有啲咩, 因為實在, 太多料喇 (咁都要彈=P), 但係就確實見得到面頭既面包係焗得真係好脆卜卜的. 我係無乜期待既情況下咬咗第一啖後, 我第一時間既反應係 "嘩! 裡面有乜呀? 咁啱味既? 好正喎真係." 跟住就忍唔住睇清楚佢裡面搞乜呢..
呢個係我咬完第一啖後好想幫佢寫返個食評而又想有相為憑咁影返低佢既毛文, 唔好介意啦:
底同面果塊多士都搽咗士多啤梨醬, 我覺得呢個係個靈魂所在. 有幫手托起個味道既作用. 佢唔太酸都唔太甜, 份量都啱啱好, 塗滿哂成片多士. 多士有層粟米蛋, 好creamy, 熱辣辣但係又一啲都唔乾. 配既蕃茄係好甜好juicy, 而煙背肉就好驚喜, 佢無普通既煙肉咁又鞋又乾, 又唔係人哋豬扒包果啲啖啖肉咁肥膩. 佢係介乎兩者之間有煙肉既脆口同豬扒既嫩滑. 小店挑選呢種肉嚟做多士真係好有taste ar. 最緊要係, 所有野加埋出嚟個效果係咁夾, 鹹同甜完全無亂嚟又無搶到大家既味道.
我好靜咁享受呢份午餐. 呢個價錢食到咁有水準同心思, 小店用行動話你知, u deserve better.
離開前我哋有啲意猶未盡, 仲叫咗個外賣脆薯波波. 老闆幫我哋裝入個紙杯度攞走. 我一路行一路感受由紙杯發出嚟既熱力引誘, 最後忍唔住同buddy停係一邊一粒一口咁啪清哂 (well~ 我哋係斯文既OL, 要停係一邊食的, hahaha...) 不過我其實覺得邊行邊食最爽~ 佢呢個又係非常香口, 外脆內軟既正品~ 佢哋仲細心到用咗啲菜絲放係底去索咁啲油呀, 不過其實我都唔覺有油~
食完呢個午餐心情都輕鬆愉快咗. 老細話過佢哋嚟緊會陸續有新品. 我會再約Buddy返嚟試下, 順便探下我杯朱古力~ =P
張貼
