珍味食堂 (已結業)

同姊妹去尖沙咀食飯，呢間食店真係冇得彈！首先講下個環境，又得坐出面又有得入面，吹水好地方！又乾淨！店員都好好服務態度兩個人食就揀咗個二人餐因為樣樣都想食，所以揀咗好耐！最後終於有決定啦！齊齊等食之後店員好細心發現我地未叫嘢飲！咁我就叫咗梅酒解下渴啦！好好飲呀！頭盤係煙三文魚凱撒沙律，兩個人食真係好豐富呀！而且一啲都唔乾！啖啖都食到沙律醬！麵包都脆卜卜餐湯味道好特別，所以都有問店員係咩特別餐湯！快啲黎試下！日式燒烤拼盤真心推介！！荔枝煙肉串兩者加埋真係perfect match！另外牛舌好Juicy！值得一食！雞翼同菇都唔錯！真係要講下呢個西班牙烤魚！平時食四川嗰啲都食得多！但西班牙口味真係第一次食！兩種辣都唔一樣！有另一番多味！我會再黎食架！！真係好地方！！原來逢星期二仲有得玩占卜架！我下次要星期二黎