Milk Top (已結業)

行行下UNY比我發現到milk top既踪影,就過去搵下有無薑味雪糕.我地未行到過去,就已經比個好有heart既員工係到叫我地過去試下先,唔買都黎睇下咁話.未講完就已經係到自動波咁係到畢雪糕比我地試,畢下畢下就差唔多已經試暈哂佢地咁多隻味,連櫃面無show到出黎個D佢都比我地試埋.而且試食既雪糕份量亦不小家,可以比你試得都幾清楚下.個位員工全程熱情招待,仲同我地有傾有講,並強調試完唔買都無關係,絕對唔會好似珍姐咁迫你買野!!最後我地買左2個cone,一個薑味,一個係無show到出黎既曲奇薑味可以食得出真係有薑粒係入面,薑味清新,然而亦不會太多而覺得嗆喉,食完仲醒腦提新,係消滯良品!!!!另外個個係呀妹既,無試到.但其實個人覺得紅豆同特濃栗子都十分值得推介,可以一試再加上遇著呢D咁有heart係員工,買多既杯都唔俱啦!PS打呢篇咁短既食評居然可以用左1個鐘!!!原因係打打下既時候不停自動同我esc哂所有野!!!究竟係我既問題,定係openrice既網有問題?