新興發粥店

營業中

休息中

香港嘅地道粥店買少見少，以前細細個果種味道係而家嘅粥店係好難食得出。 今次出土瓜灣睇牙醫，咁啱經過一間粥舖，於是入去試下， 睇下可唔可以重溫返小時候嘅味道。粥舖地方唔大， 客人亦都唔多，不過睇得出大部分都係熟客，同啲店員有講有笑。今次因為牙痛所以只係叫咗一碗滑牛粥同埋一碟炒麵。雖然以兩樣嘢好普通， 但係對於我呢個病人嚟講非常之好味喺張相睇得出滑牛粥好足料，而啲牛肉非常之滑同埋嫩，唔使點咬已經吞得。對於我呢個得返半邊口同牙可以用嚟食嘢嘅人嚟講簡直係感動到喊出黎至於炒麵個味道唔鹹啱啱好