新興發粥店

營業中

休息中

細個住大埔， 經常會去大元邨大排檔嗰度食粥同腸粉做早餐， 當佢由冬菇亭搬咗去街市頂樓之後啲質素就慢慢跌，早排返屋企食飯中發現佢已經執咗⋯⋯近年搬左去紅磡，經過幾年(其實太太都係呢頭左十幾年野)係紅土黃食個6、7間粥，終於揾到一間係貼近細個果陣味道同質素既粥鋪(唔係食一次就寫，5月頭行過入去食一次已經回味無窮，再回頭咗三四次LOL)，白粥又綿又有米香，生滾粥一樣咁綿，但唔似得外面咁有味精。腸粉未至於最滑，不過有中上水準，最重要既係佢個豉油係有加到少少豬油，成件事唔同晒，令人成日都心掛掛～其他食過既炒麵就正正常常咁，炸兩就差啲啲(條油炸鬼唔咁鬆)，我知道呢間頭仲應該仲有其他好食既粥店，不過佢好食得黎又只係收街坊價，如果鍾意食粥係附近不防過去試下

嚟呢頭上堂，響呢度搵下嘢食，見到呢間粥店，舊式裝修，應該好有歷史吧？叫咗碗及弟粥，炸兩，粥夠綿，又夠味，內有豬膶，豬肚，豬腸，肉丸，豬膶夠滑，豬肚爽軟，豬腸粉香，肉丸應該是現成貨，如果肉丸用肉碎自己打就完美嘞！炸兩的油炸鬼夠脆，腸粉夠爽滑，加麻醬，甜醬，麻芝好好味！我家附近只有一間連首飾粥麵店，食到懷疑人生，去度呢啲舊區小店先可以食到真功夫，希望繼續留傳呀！我回家第一時間同我仔講，而家仲可以食到呢啲味道，叫佢去開呢頭要試下（因為試過買炸兩俾佢，因為車程要成45分鐘，返到屋企浸林左）

我好多時都會嚟呢度食粥，食炒米粉，食炒麵 ，炸兩同腸粉。 見到嘅周圍都係街坊， 或者老人家， 每次都見到事頭好關心佢哋， 有傾有講， 舖頭冇乜裝修 ， 但係配襯 呢種人情味， 感覺上就係大家生活咗幾十年香港🥰

Fair deal on price-value ratio. A good choice in the neighborhood if you want to eat something light and easy to stomach

要上興趣班，好在放工後交通暢順，早咗大半個鐘頭已經到達目的地上堂地點附近有一間舊式粥舖《新興發粥店》，今晚天氣轉涼，食一碗熱辣辣嘅生滾粥就啱哂！傳統粥舖，粥品選擇多，單拼、雙拼，三拼都得；另外當然有油炸鬼、腸粉、炸両，炒粉麵、糭，仲有糖水添今次揀咗”豬膶碎牛粥”，D粥上檯時仲滾滾吓㗎！碗粥大大碗，落足料豬潤同碎牛最重要嘅係確保佢哋熟透之餘，又唔會太熟！少少嘅薑絲辟左豬潤嘅腥味，豬潤火候啱啱好又爽又滑，主要嘅調味來自碎牛，呢個組合非常Perfect，係我最愛嘅粥品之一！食完碗熱辣辣嘅粥，醫咗個肚，成個人暖笠笠，係時候去上堂喇～ 🤓📝

除咗水蟹粥之外，我係病先會食粥，牙痛呀！睇完牙醫，除咗粥，重有咩食得呢？唉.....記憶中上一次幫襯新興發，牛肉粥嘅牛肉份量唔少，咁今次就返去回味一下吧.除咗免治牛肉粥，就只可以食腸粉，蝦米腸一份，牙痛無咩選擇囉....寫就寫住即叫即蒸，但我睇到蝦米腸係個蒸爐囉出黎，我差不多成下午六點幫襯，可能就快收爐所以蒸定掛. 由於蒸定，所以蝦米腸差咗少少唔夠滑.免治牛肉粥嘅牛肉份量大減，難免失望，但粥嘅質量唔錯，掛碗，囉番唔少分數.食粥令我身體發滾，新興發冷氣明顯不足，好彩幫襯果日落過雨唔太熱.希望牙痛快快好！PS:幫襯咗紅磡廣場嘅牙醫！中伏！小心！

新興發是那種沒有分店的地道港式粥店.我很熱愛這類小店, 沒有硬件配套, 包括豪華的裝潢, 強勁的冷氣, 舒服的座椅, 身穿整齊制服的店員. 有的是那些店沒有的人情味, 只有這種「不值錢」的軟件. 店員會認得老顧客, 熱情的打招, 很是窩心.這天晚上, 買了豬紅艇仔粥+糉外賣作晚餐.糉滿載著我深愛的綠豆, 肥豬肉, 咸蛋, 糯米滲著綠豆和肥肉的香味, 實在深得我心!粥要了豬紅+艇仔(走牛), 粥仍然是煲得細棉, 口感相當的好.平凡而滿足的晚餐, 大概也是如此了.

去開果邊附近9點幾想食啲野又唔想太飽就去呢間粥店到食我同朋友都每人叫左碗粥材料好豐富足料啖啖都有材料既而且即使咁夜都仲係熱既對我黎講已經對得住個價架啦不過另外我地仲叫左碟炸兩就麻麻地啦因為都係凍既而且林左呢個都係要朝早食好啲🤔🤔🤔

香港嘅地道粥店買少見少，以前細細個果種味道係而家嘅粥店係好難食得出。 今次出土瓜灣睇牙醫，咁啱經過一間粥舖，於是入去試下， 睇下可唔可以重溫返小時候嘅味道。粥舖地方唔大， 客人亦都唔多，不過睇得出大部分都係熟客，同啲店員有講有笑。今次因為牙痛所以只係叫咗一碗滑牛粥同埋一碟炒麵。雖然以兩樣嘢好普通， 但係對於我呢個病人嚟講非常之好味喺張相睇得出滑牛粥好足料，而啲牛肉非常之滑同埋嫩，唔使點咬已經吞得。對於我呢個得返半邊口同牙可以用嚟食嘢嘅人嚟講簡直係感動到喊出黎至於炒麵個味道唔鹹啱啱好

這間傳統的粥鋪，裝修已經很舊，腸粉粉皮好厚，炸兩反而可以，粥底麻麻可以不吃。而其他食物中，綠豆沙都好好味，有昆布海帶一起煲。而叧一選擇是番薯糖水，糖水不算太甜，蕃薯又多。

地道小店, 執完一間又一間, 支持本土嘅我, 路過一定會幫襯一下.我喜歡吃糭, 尤其只愛傳統綠豆糭.呢度嘅綠豆糭, size適中. 綠豆數量唔會太少, 而舊肥豬肉又唔會太大, 糭入面有少少肥肉油, 真係肉香四射. 最重要係隻咸蛋係成個黃, 出面有D舖頭只係得半隻咋.其實我又好鐘意食粥, 呢度我幾like佢嘅豬紅粥.佢嘅豬紅唔會有種腥味, 又或者好似外面咁, 偷偷地用雞紅或鴨紅代替.呢度嘅環境比較熱, 唔會好似D新派粥店咁, 涼風送爽. 所以買外賣番屋企會係不錯嘅選擇.

今次要介紹嘅係新興發粥店。有一次買早餐時無意中發現咗呢一間食店，試過之後覺得都唔錯，想推介一下俾其他人試。我上次係買外賣嘅，上次食咗一碗皮蛋瘦肉粥，仲有個炸兩。先講講個皮蛋瘦肉粥先。粥底真係好正，全因佢煲得夠綿，令到成碗粥已經加咗分。皮蛋同瘦肉都落得幾多，每一啖都食到有配料嘅。炸兩上次食記得係嘅脆嘅，個人覺得係早上賣得快先會新鮮。炸兩食落口唔會太油膩。我鐘意落多啲芝麻，食落會更香口。埋單都係$40之內，唔錯唔錯，下次會再去過！

很少嚟土瓜灣，會嚟大都因為去牛棚，震中且都好鬼趕時間 …… 之前嚟過食皮蛋瘦，今日又再嚟是我喜歡的味道 ：個粥底好白淨，加上好fresh 䓤味食完唔會口喝，無味精 慢慢食仲趕得未開埸 ！

除了"翠華"的新鮮出爐麵包外，陪伴着小弟過每天早上的，還有這裡的炒鴛鴦....所謂的炒鴛鴦便是銀芽炒麵溝炒米。兩者皆弄得乾爽不油且師傅味不重。而且最重要的是以七塊錢的代價便換來沉甸甸的一大盒的份量，是絕對的超值抵吃有時貪吃一些，再另加一大碗皮蛋瘦肉又或是艇仔粥，那便是一頓斤両十足的早餐....今天早上為了這盒看似微不足道的東西專程轉車回來吃一下。別人看起來可能有點儍，但對自己來說，這味炒鴛鴦，絕對是一份comfort food....

最近手頭好緊, 於是搵一間平價粥店解決晚飯見到好多客都有叫炒麵, 應該幾受歡迎, 但我都係鍾意食粥多d皮蛋瘦肉粥 $14都幾足料, 同幾大碗, 味道普通吧油炸鬼 $5估唔到會係咁大份, 幾脆, 幾熱