回味餃子豬．牛．鵝粉麵專門店

營業中

休息中

門前仲有開張花牌, 銅鑼灣新店, 入黎食個下午茶先 , 新開張, 店舖光鮮整潔。回味餃子豬．牛．鵝粉麵專門店果然名副其實, 有齊牛寶寶、鵝寶寶、魚寶寶及餃寶寶, 改名有心思, 寶寶嘅意思係有齊唔同部位/種類嘅牛、鵝、餃子、魚肉食物, 啱想試多啲花樣的花心之人。崩沙牛腩拼魚蛋崩沙牛腩靚仔到呢, 是真正的崩沙腩, 崩沙腩是牛腩中最矜貴的部位, 好易認, 有層牛的橫膈膜與腩肉相連, 軟腍味香, 肥瘦適中, 可謂牛腩中的極品, 坑腩肉味濃郁, 入口鬆軟, 食完口中有微微的鹵水回香, 好食。魚蛋則爽口彈牙, 用胡椒除腥, 魚鮮味很不錯。麻醬冷麵絕對推介, 冷麵入口冰冰涼涼, 麵質軟滑得黎不失口感, 麻醬清酸, 酸酸甜甜的麻醬香, 配上清爽青瓜絲, 很開胃的主食。淨獅頭鮮鵝翼份量勁多,  鵝翼夠大隻, 好多肉肉食, 鵝翼鹵得好入味, 打包返屋企送啤酒一流。鵝翼上面的甜酸菜都好好食, 爽脆, 甜、酸、辣、鹹味道調配得很和合 配湯麵、米粉等麵食做伴菜好惹味, 食店可以考慮出樽裝獨立甜酸菜賣, 應該有市場。