凱悅海南雞專門店 (已改名) 查看

元朗教育路多野食應該好多人都知，原來開左間專食海南雞嘅餐廳，見佢個四人套餐雞豬鴨牛都有就入去試下，我地五個男仔都食到好飽。-招牌無骨海南雞(半隻)肉質非常滑，啖啖肉，無肥膏，食到好香嘅雞味。雖然係半隻，但份量都幾多，原來佢哋有自家農場，所以可以確保雞雞嘅質素，用粟米飼養足一百三十日。-涼拌海蜇拼盤(鹽水加積鴨+白雲無骨豬手)海南除左雞之外，加積鴨都好出名，隻鴨唔羶，豬手加埋個酸汁，好醒胃。-枸杞豬潤瘦肉湯湯有4款揀，揀左一個好少喺出面飲到嘅豬潤湯，個湯完全飲得出冇味精。咁又係，話明係海南雞專門店，用自家靚雞熬咪得囉。我同個師傅講話個湯冇味精，佢話係用左幾十隻雞殼a.k.a 雞骨架熬左好耐。-皇牌咖喱牛坑腩牛坑腩煮得好腍，而且係一舊一舊完整牛腩，唔係牛腩碎，加埋秘製咖喱汁，正！-上湯浸唐生菜菜好新鮮，感覺啲湯都飲得!-