沃川自家料理

營業中

休息中

星期六晚同老公去尖東沃川自家料理食日本菜。前菜($20/位)前菜係芥末魷魚軟骨，幾有咬口。沃川刺身拼盤(特上)有北海道海膽、鮮帆立貝、吞拿魚、油甘魚、八爪魚、活赤貝、牡丹蝦、三文魚籽，全部都好新鮮，我特別鍾意帆立貝同牡丹蝦，鮮甜又肥美。柚子鹽燒白鱔、牛舌、骨付豬肉腸白鱔彈牙爽滑，牛舌腍得黎又爽，豬肉腸香口。燒鵝肝石鍋燒飯侍應會幫你將鵝肝同飯撈勻，再分兩碗俾你，撈勻晒啖啖飯都有鵝肝味同香，又食到飯焦，正。濃湯大蝦烏冬會分左兩碗俾你，個湯超濃蝦味，非常鮮甜，令到成碗烏冬好好味。