黑木亭居酒屋 (金馬倫道)

尖沙咀🚇呢間黑木亭居酒屋經常有新款🎊創意菜式推出，臨近萬聖節仲充滿不同裝飾👻氣氛十足，加上出品質素又穩定所以人氣🔥同回頭率都好高！佢哋除咗又唔同嘅日本酒🍶之外，亦有好多唔同款式嘅冇酒精特飲🍹。百香果荔枝梳打入口十分香甜🤤，紫幻檸檬青瓜梳打配搭新穎，入口好清新🤩。特選刺身沙律🥗份量十足，入面有好鮮味嘅三文魚🐟、北寄貝、魷魚🦑同埋油甘魚刺身，加上新鮮爽脆嘅🥬沙律菜同埋香甜嘅胡麻醬，十分之令人開胃🥰！呢度仲有充滿fusion口味嘅薄脆taco🌮；鵝肝牛肉口味大大件，啲料多到滿瀉，薄脆裏面係🍚壽司飯，食起上嚟層次超級豐富；原條鰻魚taco份量亦都唔少，充滿🇲🇽墨西哥x日本風味。三味鐵板A5和牛🪿鵝肝十分之豐盛，入面有大蔥🧄蒜蓉和牛卷、鐵板鵝肝、厚切A5和牛🥩，仲配咗多士添。大蔥蒜蓉和牛卷味道香濃，鐵板鵝肝配🍎蘋果片同埋多士一齊食好甘香又有層次😋，不過最正嘅都係厚切A5和牛，入口肥美👍啖啖肉！