辣媽川湘私房菜

營業中

休息中

朋友話想食四川嘢，酸菜魚之類，所以選擇左呢間餐廳，因為元朗只係得呢一間比較坐得舒服少少的四川菜。😓環境來講，唔錯，光猛，不過地下好油，行去廁所我都差啲跣低！好似玩緊競技賽咁！啲職員咁都可以行到，真係好犀利！😵😵😵😵食物味道唔算差，不過用料就⋯⋯⋯例如😓酸菜魚（$189），裏面嘅魚片一定少於10片，只得上面見到嘅部份係有魚，下面全部酸菜粉絲😓脆皮豬手（$89），啲皮硬都完全食唔到😓辣子雞（$119），啲雞超級細粒，重點係裏面基本上搵唔到可以食嘅部份，好難得找到一粒雞，點知原來係肥膏，點食啊，以為放入一堆辣椒就可以🤮香煎蓮藕餅（$79），完全冇人食得落，好厚嘅粉，好油，好恐怖👌🏻蕃茄炒飯（$66）， OK啦，不過不失，好油😖鹹蛋脆苦瓜（$79），將啲苦瓜點左炸漿，然後再油炸，味道正常，不過唔知係咪佢低溫炸嘅關係，又係好油，唔脆總括而言，鍾意食重口味嘅嘢，就會食四川菜，呢間野係做到超級重口味，所有嘢都係紅卜卜，油琳琳，不過相信香港地可以搵到更加多更好嘅選擇。如果一定要喺度食嘢，只得炒飯比較正常👍🏻👌🏻，嘢飲都唔錯🍹🍹🍹