影片
更多
2022-11-18
230 瀏覽
大隻仔今次覓食嘅店舖就係💥 好湯好麵（名店坊）💥 大隻仔上個月試食呢間聞名已久，有多間傳媒訪問過，長期排隊嘅網紅店「好湯好麵」。餐廳出名湯底好飲而且價錢貴，大隻仔試食睇吓餐廳質素係咪對得住個價錢。🤔🤔⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 西班牙紅蝦 $188（ 西班牙紅蝦/藍蟹肉/蝦頭油/皇湯/陽春麵）用上海鮮湯底，味道香濃，但海鮮味唔算突出，至於蟹肉係罐頭蟹肉，陽春麵少少偏冧，至於主角紅蝦係成碗麵嘅敗筆，蝦肉梅，煮過龍，食唔到世界上最好食嘅紅蝦應該有嘅彈性同鮮甜味，只可以講食材質素麻麻，主要靠湯底。🔥 棉花雞 $98（日本地雞肉/魚肚/北茹/雲佩絲/高湯/扁陽春麵）棉花雞比西班牙紅蝦出色，雞湯濃郁而且有少少膠質，雞肉一般唔算好嫩滑，魚肚夠冧，北茹同雲佩絲只係後加上食材，扁陽春麵比陽春麵好食得多。🔥 鹹檸雪碧 $28估唔到飲品比食物更加出色，鹹檸檬唔係一般貨色，應該已經浸泡一段時間，用飲品匙羹篤一下，鹹檸檬即刻
💥 好湯好麵（名店坊）💥
大隻仔上個月試食呢間聞名已久，有多間傳媒訪問過，長期排隊嘅網紅店「好湯好麵」。
餐廳出名湯底好飲而且價錢貴，大隻仔試食睇吓餐廳質素係咪對得住個價錢。🤔🤔
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️
服務 ⭐️⭐️⭐️⭐️
環境 ⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 西班牙紅蝦 $188
（ 西班牙紅蝦/藍蟹肉/蝦頭油/皇湯/陽春麵）
用上海鮮湯底，味道香濃，但海鮮味唔算突出，至於蟹肉係罐頭蟹肉，陽春麵少少偏冧，至於主角紅蝦係成碗麵嘅敗筆，蝦肉梅，煮過龍，食唔到世界上最好食嘅紅蝦應該有嘅彈性同鮮甜味，只可以講食材質素麻麻，主要靠湯底。
西班牙紅蝦
$188
38 瀏覽
0 讚好
0 留言
🔥 棉花雞 $98
（日本地雞肉/魚肚/北茹/雲佩絲/高湯/扁陽春麵）
棉花雞比西班牙紅蝦出色，雞湯濃郁而且有少少膠質，雞肉一般唔算好嫩滑，魚肚夠冧，北茹同雲佩絲只係後加上食材，扁陽春麵比陽春麵好食得多。
棉花雞
$98
26 瀏覽
0 讚好
0 留言
🔥 鹹檸雪碧 $28
估唔到飲品比食物更加出色，鹹檸檬唔係一般貨色，應該已經浸泡一段時間，用飲品匙羹篤一下，鹹檸檬即刻化開，而且味道唔會死鹹，帶有少少甜味。
總結：湯底濃郁，價錢收得貴但食材唔夠高質，有少少名過於實。
唔使排隊又未食過可以一試。
餐廳地方比較擠迫坐得唔太舒服。
張貼
