玉庭

上星期一家人去沙田帝都酒店“玉庭”食新推出主要食蟹🦀嘅套餐😋，其實以往一向食開佢嘅套餐都好有水準👍因個人很喜歡食🦀所以一睇到個Menu就去訂位。整個套餐計埋甜品有9個餸，其實每一個餸都好好食👍👍，份量又夠。 特別我至愛😍係嗰個海皇燴雪燕(好足料又好味但忘記📸😅)、乾煎大🦐碌(夠大隻有口感又新鮮)、蟹蓋蒸糯米🍚啲蟹膏同蟹肉入埋啲飯到(好香)，跟住就係主菜“肉蟹”(有4種煮法可選擇)，我選咗傳統煮法“薑葱”，食開蟹🦀嘅人都知掂唔掂😋。整體嚟講，全部都無得彈🤔，因為又包埋每人一個飲品。個薑湯湯圓好夠薑😝(食蟹驚寒涼啱哂😉)。唯一可改進就係第一個餸嘅蟹棗，唔夠彈牙。如果以呢個價錢可以食其他酒家或集團酒樓，但真係未必有咁👍嘅水準🏆。如果未試過玉庭嘅大厨水準，不妨試吓😉。同埋一大班人可以係靜啲環境到傾吓💬，唔會好似一般酒樓到咁嘈吵。