影片
更多
2012-11-09
176 瀏覽
今年嘅生日晚餐因為要遷就老爺奶奶嘅口味所以揀食中菜。因為之前POPCORN新開時候已經幫襯過一次，覺得味道極好出品精緻，係屋企附近覺得最好食嘅上海菜，於是今次提早訂位再光顧。雞絲粉皮，份量有D細，冇留低咩特別印象；花雕醉雞，酒香好濃，雞肉好嫩滑，但感覺酒還酒，雞換雞，酒味好似冇融入到雞肉裏面，但中意飲翻兩杯嘅老爺覺得好好食；韮黃炒鱔糊，味道不過不失，冇咩驚喜，當晚唯一食剩嘅一道；宋嫂魚羹，以盅上。久仰呢道菜嘅大名，第一次聽聞係印象中以前玩過嘅「仙劍客棧」中有呢道菜譜。雖然我唔知道正宗嘅宋嫂魚羹係咩味嘅，但呢間嘅魚羹溫潤鮮嫩，用料好足，我字典中一向就討厭“清淡”二字都覺得好味！==============================華麗麗的分割線==============================以下落嚟先係戲肉，介紹我當晚最中意食嘅幾道菜~~~糖醋松子魚，汁嘅酸甜度啱啱好，濃稠度亦剛好，魚炸得恰到好處，如果汁嘅份量太多裹住曬D魚肉就會變霖，但呢度做嘅唔會，外層仲係非常爽脆香口裏面嘅魚肉都好嫩。五香牛展夾餅，牛展配上芝麻汁同香蔥，再夾到餅皮裏面一齊食，原來又係另一番滋味——芝
雞絲粉皮，份量有D細，冇留低咩特別印象；
花雕醉雞，酒香好濃，雞肉好嫩滑，但感覺酒還酒，雞換雞，酒味好似冇融入到雞肉裏面，但中意飲翻兩杯嘅老爺覺得好好食；
韮黃炒鱔糊，味道不過不失，冇咩驚喜，當晚唯一食剩嘅一道；
宋嫂魚羹，以盅上。久仰呢道菜嘅大名，第一次聽聞係印象中以前玩過嘅「仙劍客棧」中有呢道菜譜。雖然我唔知道正宗嘅宋嫂魚羹係咩味嘅，但呢間嘅魚羹溫潤鮮嫩，用料好足，我字典中一向就討厭“清淡”二字都覺得好味！==============================華麗麗的分割線==============================
以下落嚟先係戲肉，介紹我當晚最中意食嘅幾道菜~~~
糖醋松子魚，汁嘅酸甜度啱啱好，濃稠度亦剛好，魚炸得恰到好處，如果汁嘅份量太多裹住曬D魚肉就會變霖，但呢度做嘅唔會，外層仲係非常爽脆香口裏面嘅魚肉都好嫩。
五香牛展夾餅，牛展配上芝麻汁同香蔥，再夾到餅皮裏面一齊食，原來又係另一番滋味——芝麻嘅濃香，牛展嘅爽嫩，蔥花嘅香氣，麵包嘅甘甜…（好似越寫越誇張-__-b）總之兩個字，好味！
呢個時節就可以食到蟹粉小籠包喇！我好謹慎咁夾起千祈唔好整穿，小籠包湯汁漏咗嘅話美味真係會減八成！一啖放入口再讓湯汁喺口內噴發，哇~比呢度普通嘅小籠包美味不止兩倍！（下~咩話？張相有D貨不對版？呃...因為一上臺嘅時候大家太心急食咗幾隻我先大嗌唔記得影相，於是老爺突發奇想將食剩嘅一隻蟹粉小籠包放咗落另一籠食咗一隻嘅小籠包裏面濫竽充數，拿~咁樣唔多覺嘅！）（作者：你哋分唔分到邊只先係蟹粉小籠包啊？食家們：講笑咩，一眼就識穿啦~-__-||）
當日老爺仲叫咗個海鮮粥同雲吞麵，我雖然覺得喺上海餐館叫粵菜會有少少奇怪，但試咗下味道用料好足仲係有水平嘅。至少老爺好滿意，老人家開心就好！難得揾到一間我哋年輕人都中意食嘅中菜，老爺奶奶又對出品讚不絕口，呢個生日晚餐個個都好滿意~Perfect!
張貼
