影片
更多
2017-11-10
86 瀏覽
朋友生日，知道佢最愛日本料理，所以今晚一齊去天后嘅鮨豊食飯慶祝，呢度舖面唔係好大，裝修好有日本 feel，坐喺度真係會以為自己喺日本食緊嘢。我點咗廚師發辦，先付有牛蒡、黃蘿蔔、紅蘿蔔，最鍾意牛蒡，淡淡嘅調味，好醒胃。再上前菜，擺盤好靚，好有秋意，分別有鮟鱇魚肝同埋冰鎮蕃茄 ，先食冰鎮蕃茄 ，甜甜哋 ，好冰涼，配埋片好新鮮嘅日本冰菜，紅綠配襯，又靚又對味。鮟鱇魚肝味道有D似鵝肝，入口好軟綿，唔會油膩，好香好好食。跟住就開始食壽司十貫，先有鯛魚壽司，面頭有新鮮紫菜，師傅話唔駛點醬油，因為已經調咗味，入口好清甜。赤貝壽司，好有光澤，肉質爽彈，好新鮮好食。深海池魚，鮮味十足。鰤魚，師傅話係季節魚，好肥美，入口清爽之中帶住濃厚油香。花竹蝦，望落去好似好普通，但係入口真係超讚，好彈牙。剝皮魚混咗醬汁，師傅話剝皮魚本身比較清淡，所以混咗D肝醬，去提味，入口好滑味道好有層次。秋刀魚，好新鮮，高光澤，入口好鮮甜。北海道海膽，色澤濃厚金黃，入口綿綿，嗰份回甘味，持久力好強。喜知次，肉質細膩，口感肥美。火炙拖羅，雖然經過火炙，但依然入口即溶，充滿油香。吞拿魚蓉手卷， 魚蓉無筋，加埋蔥花，點少少醬油，夠曬好食
我點咗廚師發辦，先付有牛蒡、黃蘿蔔、紅蘿蔔，最鍾意牛蒡，淡淡嘅調味，好醒胃。
再上前菜，擺盤好靚，好有秋意，分別有鮟鱇魚肝同埋冰鎮蕃茄 ，先食冰鎮蕃茄 ，甜甜哋 ，好冰涼，配埋片好新鮮嘅日本冰菜，紅綠配襯，又靚又對味。鮟鱇魚肝味道有D似鵝肝，入口好軟綿，唔會油膩，好香好好食。
跟住就開始食壽司十貫，先有鯛魚壽司，面頭有新鮮紫菜，師傅話唔駛點醬油，因為已經調咗味，入口好清甜。
赤貝壽司，好有光澤，肉質爽彈，好新鮮好食。
深海池魚，鮮味十足。
鰤魚，師傅話係季節魚，好肥美，入口清爽之中帶住濃厚油香。
花竹蝦，望落去好似好普通，但係入口真係超讚，好彈牙。
剝皮魚混咗醬汁，師傅話剝皮魚本身比較清淡，所以混咗D肝醬，去提味，入口好滑味道好有層次。
秋刀魚，好新鮮，高光澤，入口好鮮甜。
北海道海膽，色澤濃厚金黃，入口綿綿，嗰份回甘味，持久力好強。
喜知次，肉質細膩，口感肥美。
火炙拖羅，雖然經過火炙，但依然入口即溶，充滿油香。
吞拿魚蓉手卷， 魚蓉無筋，加埋蔥花，點少少醬油，夠曬好食。
壓軸有個小驚喜，就係焗蛋，賣相好精美，師傅介紹，先打碎蝦肉同魚肉，加埋雞蛋，將全部材料混埋一齊焗，甜美嘅蛋香之中，滲住一份清清嘅魚鮮，好好味。
朋友叫咗個壽司套餐，個餐真係好靚好吸晴，首先出場係，用三個晶瑩通透嘅高腳酒杯，裝住三款口味嘅海鮮丼，先有魚香綿綿嘅黑鮪魚腩蓉丼、中間係金黃光亮嘅海膽丼，跟住係卜脆嘅三文魚子丼，好味之外， 加埋靚樣，真係好吸引。
另外仲有三貫壽司，分別係赤身，中拖羅同大拖羅，朋友一次過，冇停口咁食曬三款，食完即時擺咗個好滿意嘅幸福樣出離。
牡丹蝦刺身，好清甜。
另外仲有個熱辣辣嘅烏魚子海膽蝦丸，外層有豐富嘅鮮蝦味，裡面包住流心嘅海膽，好有心思，好特別。
吸物係𩶘魚湯，個肚食到飽曬嘅時候，再離飲碗熱湯暖吓個胃，真係好舒服。
熱辣辣之後，再食番個冰涼涼嘅甜品，醒吓神，多汁又香甜嘅哈蜜瓜，配香濃滑溜嘅綠茶紅豆布甸。
朋友個綠茶紅豆布甸，配海鹽雪糕，鹹甜交义，味道好夾。
呢餐生日飯真係好豐富，食物好新鮮，菜式好有心思，我哋當然好滿意。
張貼
