影片
更多
2017-03-31
382 瀏覽
友人生日想請佢食餐飯，朋友介紹咗呢度，就嚟試下。搭扶手電梯上2樓嗰陣已經隱約見到間餐廳名，但係上到去又見唔到，一擰轉頭心入面就嘩咗聲，因為呢個商場都係開揚café類 / 連鎖店多，唯獨佢呢間，睇門面已經feel到有霸氣！個裝修係幾靚，我特別欣賞佢店入面用瓷片 (打碎嘅碗？) 砌嘅服裝掛畫，乍看好似幅幅一樣，但細看就發覺每幅都有d唔同，幾有心思。食晏時間都幾多人，同隔離檯都幾近。一坐低先食個前菜，栗子同花生一齊醃，食栗子會食到少少花生味，反之亦然，而且醃得幾淋，唔使點咬，好啱做前菜。個茶都好飲，茶壺有格調。(我遲咗到，所以唔知係咩茶)先上「李白醉雞」($78)，我自己跟過師傅斬雞，知道一d都唔容易，所以好欣賞佢可以擺得咁靚！好香酒味，雞又滑，唔錯唔錯。好快就上埋「皇朝擔擔拉麵」($58)，餐牌上佢係有隻辣椒icon，而佢都真係幾辣，唔食辣嘅朋友可能要叫其他嘢喇 ~ 不過呢個好味！麵幾彈牙，而且湯入面仲有d醬料，令個味更豐富。「皇朝話梅骨」($88)，上碟嗰陣見d肉堆埋哂喺隻碟嘅角落 (係靚嘅)，以為份量唔係好多，點知食到我哋兩個飽哂都仲未食完 ...介紹我哋嚟嘅朋友話呢個好正，但d骨多，
搭扶手電梯上2樓嗰陣已經隱約見到間餐廳名，但係上到去又見唔到，一擰轉頭心入面就嘩咗聲，因為呢個商場都係開揚café類 / 連鎖店多，唯獨佢呢間，睇門面已經feel到有霸氣！
個裝修係幾靚，我特別欣賞佢店入面用瓷片 (打碎嘅碗？) 砌嘅服裝掛畫，乍看好似幅幅一樣，但細看就發覺每幅都有d唔同，幾有心思。
食晏時間都幾多人，同隔離檯都幾近。
一坐低先食個前菜，栗子同花生一齊醃，食栗子會食到少少花生味，反之亦然，而且醃得幾淋，唔使點咬，好啱做前菜。個茶都好飲，茶壺有格調。(我遲咗到，所以唔知係咩茶)
先上「李白醉雞」($78)，我自己跟過師傅斬雞，知道一d都唔容易，所以好欣賞佢可以擺得咁靚！好香酒味，雞又滑，唔錯唔錯。
李白醉雞
$78
11 瀏覽
0 讚好
0 留言
皇朝擔擔拉麵
$58
35 瀏覽
0 讚好
0 留言
介紹我哋嚟嘅朋友話呢個好正，但d骨多，我呢次食就覺得還好，算正常。但係真係好食，肥瘦適中，d肉入味得嚟唔會受哂話梅嘅酸。不過其實睇佢個汁咁樣啱啱掛住d肉，晶瑩剔透、不多不少，就知師傅好功架，所以唔好食先出奇！
皇朝話梅骨
$88
30 瀏覽
0 讚好
0 留言
酒釀丸子 ($32)，喺香港嚟講呢個算酒味比較出，不過係第一下好，再下一瞬間就冇咗，就好似潮來潮去咁，留唔住d味 ... 始終都唔夠上海嘅好食 (喺上海老吉士食過，已成終身美好回憶)呢幅相係友人親自操刀，係咪即刻靚咗好多呢 ~ 就算唔用filter都好靚！
酒釀丸子
$32
35 瀏覽
0 讚好
0 留言
張貼
