竹園海鮮飯店 (已結業)

竹園屬貴價而舊式酒樓, 原本都無諗過去食, 但之前聽Friend 講話佢個日本客請佢去果度食, 食到lam lam 脷, 所以上星期六就同家人落去呢間竹園到試下食晚飯, 叫左潮州翅, 芝士焗龍蝦, 象拔蚌刺身, 菜, 魚, 雞等. 芝士汁配法式麵包都係第一次食, 以往出面都係配伊面架嘛, 初時介紹都覺得係咪ok架咁. 但點知一食令我回味無窮呀, d 芝士汁真係好好味, 原來配麵包都有另一番風味. 不過後來凍左, 就麻麻地, 但部長好主動問我地駛唔駛加番熱, 估唔到有咁既service喎. 值得一讚. 而潮洲翅就好"杰" 都係第一次食, 同其他湯翅既口感好唔同. 如果鍾意清湯既話, 可能未必鍾意, 但我自己鍾意濃味, 就覺得OK. 不過係個雞就差D, 而個蒸魚就好滑. 無錯果度係都好多遊客架, 但我又唔覺價錢俾人搵笨呀. 因為我之前去開好LUCKY到食既, 其實價錢只係平少少, 但份量同材料質素及味道都唔及呢度, 所以SO FAR 我覺得都值既. 可能我鍾意食野掛. 一定會再去. 嘻