影片
更多
2024-08-09
522 瀏覽
每次經過都見到呢間裝修好新穎，一直都好想知係咩cafe嚟，直至朋友同我講，我先知呢間係一間日式拉麵店！琴日我就特登嚟試吓，雖然話係晚餐時間，但係人潮都唔算太多，排咗陣隊就到我喇。Menu好多選擇，撈麵就有超過5款，仲有小食同埋飯都可以食到。我就揀咗【明太子忌廉撈麵】，喺我食之前店員仲好貼心咁俾我睇佢哋嘅撈麵食法四部曲！佢話唔同嘅食法有唔同嘅風味喔～其實到第二步我就好鍾意喇，加咗少少黑胡椒，成條麵好濃郁，仲帶住黑胡椒微微辛辣嘅味道，好好味！👍👍呢款撈麵嘅料都好多，有豬腩肉、生蛋黃、蔥花、紫菜碎等等，最主要梗係明太子啦！明太子本身嘅鹹鮮味融入晒落啲麵度，再加埋忌廉同埋生蛋黃，成個口感好creamy！不過食耐咗會有一啲滯，但係加咗黑胡椒成個味道就唔同晒！黑胡椒平衡咗啲麵嘅奶香味，我依家諗起都流口水！🤤🤤
Menu好多選擇，撈麵就有超過5款，仲有小食同埋飯都可以食到。
我就揀咗【明太子忌廉撈麵】，喺我食之前店員仲好貼心咁俾我睇佢哋嘅撈麵食法四部曲！佢話唔同嘅食法有唔同嘅風味喔～其實到第二步我就好鍾意喇，加咗少少黑胡椒，成條麵好濃郁，仲帶住黑胡椒微微辛辣嘅味道，好好味！👍👍
呢款撈麵嘅料都好多，有豬腩肉、生蛋黃、蔥花、紫菜碎等等，最主要梗係明太子啦！明太子本身嘅鹹鮮味融入晒落啲麵度，再加埋忌廉同埋生蛋黃，成個口感好creamy！不過食耐咗會有一啲滯，但係加咗黑胡椒成個味道就唔同晒！黑胡椒平衡咗啲麵嘅奶香味，我依家諗起都流口水！🤤🤤
張貼
