影片
更多
2020-11-02
843 瀏覽
重陽節星期一放假，所以出咗尖沙咀行街，順便試埋我想食好耐嘅「福岡漢堡扒」。一嚟身邊好多朋友推介，二嚟我上網見人介紹好似好好玩、好得意咁，呢日終於有機會一嚐😍。今日難得唔駛等位，平日夜晚我見排哂長龍嘛。餐廳環境OK👌，每張枱有足夠空間放食物，而且仲特別設有抽氣管，安排充足食鐵板。值得一讚係冷氣夠哂凍，唔怕食到熱。餐牌清晰，呢度主要食和牛漢堡扒，但同時亦有幾款丼飯賣；漢堡扒有得揀份量同添加配料嘅選項。食物定價唔算貴，百幾蚊已經有交易✨，另外亦有提供二人套餐。留意番，假日同晚市要收加一服務費的。嚟得幫襯就必定要試漢堡扒啦，我相信唔會有人唔嗌囉！墊枱餐紙有介紹食漢堡扒嘅方法：1️⃣將抽氣管對準石頭嘅位置，2️⃣將適量嘅漢堡扒平鋪石上，3️⃣每隔三秒迅速將漢堡扒翻一下，4️⃣終於食得，同埋5️⃣整下一塊之前要先清咗石上面啲焦。菠蘿煙肉和牛漢堡扒($134/L)，由於我同朋友只食一份漢堡扒，所以要咗190克嘅大份量。大份量果然真係好大球、好圓⭕️。漢堡扒嘅配料有煙肉、菠蘿、雞蛋同埋芝士，漢堡扒係咪用和牛做我就唔知，🐮不過牛味確係非常濃郁，而且冇重口味嘅調味；夾埋菠蘿一齊食好正🍍😋，甜甜哋，帶有清新嘅感覺。漢堡扒無乜可挑
重陽節星期一放假，所以出咗尖沙咀行街，順便試埋我想食好耐嘅「福岡漢堡扒」。一嚟身邊好多朋友推介，二嚟我上網見人介紹好似好好玩、好得意咁，呢日終於有機會一嚐😍。
今日難得唔駛等位，平日夜晚我見排哂長龍嘛。餐廳環境OK👌，每張枱有足夠空間放食物，而且仲特別設有抽氣管，安排充足食鐵板。值得一讚係冷氣夠哂凍，唔怕食到熱。
餐牌清晰，呢度主要食和牛漢堡扒，但同時亦有幾款丼飯賣；漢堡扒有得揀份量同添加配料嘅選項。食物定價唔算貴，百幾蚊已經有交易✨，另外亦有提供二人套餐。留意番，假日同晚市要收加一服務費的。
嚟得幫襯就必定要試漢堡扒啦，我相信唔會有人唔嗌囉！墊枱餐紙有介紹食漢堡扒嘅方法：1️⃣將抽氣管對準石頭嘅位置，2️⃣將適量嘅漢堡扒平鋪石上，3️⃣每隔三秒迅速將漢堡扒翻一下，4️⃣終於食得，同埋5️⃣整下一塊之前要先清咗石上面啲焦。
菠蘿煙肉和牛漢堡扒
$134
18 瀏覽
0 讚好
0 留言
漢堡扒嘅配料有煙肉、菠蘿、雞蛋同埋芝士，漢堡扒係咪用和牛做我就唔知，🐮不過牛味確係非常濃郁，而且冇重口味嘅調味；夾埋菠蘿一齊食好正🍍😋，甜甜哋，帶有清新嘅感覺。漢堡扒無乜可挑剔，但配料份量略嫌少咗啲啲。
講到明玩住食，我亦都分享一下煎漢堡扒嘅過程😉。圓形嘅熱石放喺鐵板上面，鐵板只係微熱，所以啲食材唔會燒熟咗，🥚鐵板上面嘅蛋就唔建議放到最後食，免得變老。
熱石剛剛送上時真係出哂煙🔥，漢堡扒外層會煎到脆脆的，但同時要小心會煎燶。如果嚿石唔熱，可以搵店員幫手換過嚿。我哋換咗一次石都夠食哂成餐了。
餐紙上面寫「每隔三秒迅速翻一下」，其實係好難做到的🤣，隨心啦。每塊唔好切咁厚，就唔駛驚唔熟。我哋每邊翻咗三至四次？
吸氣管真係幾吸到煙嘅，但始終熱石真係好熱，所以將件漢堡扒拎上去煎，都避免唔到會有彈油嘅情況。個人建議餐廳可以考慮提供圍裙畀客人🙏🏻。
漢堡扒餐係會配飯🍚、麵豉湯、配菜同沙律。另外，仲有醬汁同鹽可以用嚟點漢堡扒食，但我認為本身都夠味。
東武里牛丼
$88
5 瀏覽
0 讚好
0 留言
牛肉粒以外，飯上面仲有蛋黃、洋蔥、蔥粒同Wasabi醬，撈埋晒所有嘢連埋本身嘅牛肉汁一齊食，超惹味！特別係加咗Wasabi，有微微攻鼻嘅效果😌，為味蕾帶來刺激。白飯係用珍珠米㗎，又夠哂熱。
丼飯亦有奉送麵豉湯、配菜(泡菜)同沙律🥗。
總括嚟講，我真係估唔到漢堡扒好玩又好食，份量又多，性價比高！店員服務亦都唔錯，整體令人滿意。我認為可以帶埋小朋友一齊食，因為佢哋一定鍾意💕，餐廳值得推介。
張貼
