影片
更多
2023-12-08
175 瀏覽
為左慶祝生日 我地一行四人揀左間私房菜試下佢係工廠區入面但環境都乾淨闊落 坐得都舒服如果唔想諗食咩餐廳會幫你設計好餐單餐廳幫我地設計好菜單 包括有:🥢涼拌黑白木耳第一次食白木耳 個口感比黑木耳更爽脆酸酸甜甜 非常開胃🥢本地水耕沙律菜伴芝麻醬沙律菜非常新鮮配埋芝麻醬好香 好日式既感覺 🥢榮哥自家甜酸齋出面買返黎個D會有非常多醬 但呢個完全唔會味道都岩岩好 🥢茶燻流心蛋伴黑魚子醬配厚切茄子個蛋未食落口已經聞到好香煙燻既味道茄子就有輕微炸過 所以可以沾佢配埋自己調配既汁有少少似醬燒茄子既汁🥢原盅燉姬松茸淮山甘荀黑毛豚肉湯🥢原盅燉藥膳龍躉骨鮮淮山湯湯佢係位上非常之貼心姬松茸湯好清甜 紅蘿蔔同螺頭令到個湯更甜龍躉骨湯就真係好有龍躉骨既鮮味 🥢黑松露醬炒花尾躉斑球配鮮露荀斑球好大塊 用黑松露醬炒過更香露荀好大條 但一D都唔老師傅有批走D硬既位 好細心🥢蝦球水芙蓉整得好精緻有一大隻蝦球係上面 蝦肉爽滑下面就係蒸蛋 面頭黃色既係一層薄薄既雞湯蒸蛋唔會好咸 連埋蝦球食就剛剛好🥢醬燒爽厚豚頰肉配柳丁汁青木瓜絲賣相勁靚 一粒一粒既豚頰肉排左個塔出黎肉質嫩滑 非常非常腍 旁邊好似炸蘿蔔絲酥既係青木瓜絲酸酸地
佢係工廠區入面
但環境都乾淨闊落 坐得都舒服
如果唔想諗食咩
餐廳會幫你設計好餐單
餐廳幫我地設計好菜單 包括有:
🥢涼拌黑白木耳
第一次食白木耳 個口感比黑木耳更爽脆
酸酸甜甜 非常開胃
🥢本地水耕沙律菜伴芝麻醬
沙律菜非常新鮮配埋芝麻醬好香 好日式既感覺
🥢榮哥自家甜酸齋
出面買返黎個D會有非常多醬 但呢個完全唔會
味道都岩岩好
🥢茶燻流心蛋伴黑魚子醬配厚切茄子
個蛋未食落口已經聞到好香煙燻既味道
茄子就有輕微炸過 所以可以沾佢配埋自己調配既汁
有少少似醬燒茄子既汁
🥢原盅燉姬松茸淮山甘荀黑毛豚肉湯
🥢原盅燉藥膳龍躉骨鮮淮山湯
湯佢係位上非常之貼心
姬松茸湯好清甜 紅蘿蔔同螺頭令到個湯更甜
龍躉骨湯就真係好有龍躉骨既鮮味
🥢黑松露醬炒花尾躉斑球配鮮露荀
斑球好大塊 用黑松露醬炒過更香
露荀好大條 但一D都唔老
師傅有批走D硬既位 好細心
🥢蝦球水芙蓉
整得好精緻
有一大隻蝦球係上面 蝦肉爽滑
下面就係蒸蛋 面頭黃色既係一層薄薄既雞湯
蒸蛋唔會好咸 連埋蝦球食就剛剛好
🥢醬燒爽厚豚頰肉配柳丁汁青木瓜絲
賣相勁靚
一粒一粒既豚頰肉排左個塔出黎
肉質嫩滑 非常非常腍
旁邊好似炸蘿蔔絲酥既係青木瓜絲
酸酸地 解到豚肉既膩
🥢招牌茶王燻雞
雞有好香既茶燻味
個皮亦都勁香脆 唔會好肥
🥢金銀蒜有機時令鮮蔬
今次餐廳準備左白菜仔
蒜味好香 夠哂鑊氣
🥢農坊獨頭糖心黑蒜炒飯
估唔到黑蒜炒飯係幾好味架喎
黑蒜本身帶甜味
而炒飯都吸收左佢既甜味
飯炒得好香 粒粒分明
入面仲有細細粒既黑蒜粒翠玉瓜粒同帶子粒
炒得好好味
🥢薑汁湯丸
最後以湯丸作結
薑汁認真夠薑
湯丸一粒麻蓉味一粒黑芝麻味
食飽暖笠笠
餐廳係好用心為每個食客服務
幫佢地諗有咩時令野同埋照顧客人口味
好值得推薦比大家試下
張貼
